Pathu Thala: శింబు సినిమాలో ఆర్య భార్య ఐటెమ్ సాంగ్ అదిరింది…

తమిళ యంగ్ స్టార్ హీరో శింబు నటిస్తున్న లేటెస్ట్ మూవీ ‘పత్తు తల’. గౌతమ్ కార్తీక్ స్పెషల్ రోల్ లో నటిస్తున్న ఈ మూవీ కన్నడలో శివన్న నటించిన ‘మఫ్టీ’ సినిమాకి రీమేక్ గా తెరకెక్కుతోంది. హ్యుజ్ ఎక్స్పెక్టేషన్స్ మధ్య మార్చ్ 30న రిలీజ్ కానున్న ఈ మూవీ నుంచి ‘రావడి’ అనే సాంగ్ ని మేకర్స్ రిలీజ్ చేశారు. ఇప్పటివరకూ టీజర్, ట్రైలర్ తో పత్తు తల సినిమాపై అంచనాలని పెంచిన చిత్ర యూనిట్, ఈ స్పెషల్ సాంగ్ కోసం సయ్యేషా సెహగల్ ని రంగంలోకి దించారు. అఖిల్ సినిమాలో హీరోయిన్ గా ఎంట్రీ ఇచ్చిన సయ్యేషా, తమిళ హీరో ఆర్యని ప్రేమించి పెళ్లి చేసుకున్న తర్వాత సినిమాలని బాగా తగ్గించింది. స్వతహాగా మంచి డాన్సర్ అయిన సయ్యేషా సెహగల్ ‘రావడి’ సాంగ్ లో అదిరిపోయే స్టెప్పులు వేసింది.

రెహ్మాన్ కంపోజ్ చేసిన క్యాచీ ట్యూన్ కి, స్నేహాన్ అంతే క్యాచీ లిరిక్స్ రాసాడు. బ్రిందా మాస్టర్ కంపోజ్ చేసిన స్టెప్స్ మాస్ కి ఆకట్టుకునే విధంగా ఉన్నాయి. చాలా రోజుల తర్వాత తమిళ్ నుంచి వచ్చిన ఒక పర్ఫెక్ట్ మాస్ నంబర్ సాంగ్ గా ‘రావడి’ పాట మంచి రెస్పాన్స్ రాబడుతుంది. ఈ సాంగ్ సయ్యేషా, గౌతమ్ కార్తికల పైన షూట్ చేశారు. తన గ్లామర్ షోతో సయ్యేషా సెహగల్ థియేటర్స్ లో కూర్చున్న యూత్ ని ఇంప్రెస్ చెయ్యడం గ్యారెంటీగా కనిపిస్తోంది. మఫ్టీ సినిమాని తమిళ నేటివిటీకి తగ్గట్లు మార్పులు చేసిన దర్శకుడు కృష్ణ, పత్తు తల సినిమాతో సాలిడ్ హిట్ కొట్టడానికి రెడీగా ఉన్నాడు. ట్రేడ్ వర్గాలు కూడా కాన్ఫిడెంట్ గా ఉన్న పత్తు తల సినిమా మార్చ్ 30 ఎలాంటి రిజల్ట్ ని రాబడుతుందో చూడాలి.

#Raawadi is here for you ❤️#Sayyeshaa & #GauthamKarthik's #RaawadiVideoSong from #PathuThala will make you groove 🥁

Full song visual link: 💃https://t.co/M71DFc0zr4

An @arrahman Musical
🎤 @SingerNivas & @shubamusic
✍️ @KavingarSnekan@StudioGreen2 @PenMovies #Atman

— Studio Green (@StudioGreen2) March 25, 2023