పునీత్ రాజ్ కుమార్ లాస్ట్ పిక్ వైరల్

పునీత్ రాజ్ కుమార్ మృతి యావత్ దేశాన్ని దిగ్భ్రాంతికి గురి చేసింది. పునీత్ మృతి పట్ల సినీ ప్రముఖులు, అభిమానులు తీవ్ర విషాదానికి లోనయ్యారు. అక్టోబర్ 29న ఉదయం ఆయన జిమ్ చేస్తూ గుండెపోటు కారణంగా ఒక్కసారిగా కుప్పకూలారు. ఆయన లేరన్న వార్త తెలియడంతో కన్నడ సీమ మొత్తం కన్నీరు మున్నీరైంది. ప్రస్తుతం ఆయన పార్దీవదేహాన్ని అభిమానుల సందర్శనార్థం కంఠీరవ స్టేడియంలో ఉంచగా అక్కడ భారీ తోపులాట జరుగుతోంది. ఈ సమయంలో ఎలాంటి నష్టం జరగకుండా ఉండేందుకు పోలీసులు అక్కడ భారీగా మోహరించారు.

Read Also : పునీత్ ఇక లేరన్న వార్తతో …బన్నీ షాక్‌!

మరోవైపు పునీత్ లాస్ట్ పిక్ ఒకటి ఇంటర్నెట్ ను షేక్ చేస్తోంది. ఆ పిక్ లో పునీత్ తన గార్డెన్‌లో వాకింగ్ చేస్తున్నట్టు కన్పిస్తోంది. పునీత్ కన్నడలో టాప్ స్టార్. అక్కడ ఆయనకు భారీ సంఖ్యలో అభిమానులు ఉన్నారు. ఫ్యాన్స్ పునీత్ ను ప్రేమగా పవర్ స్టార్, అప్పూ అని పిలుచుకుంటారు. కేవలం హీరోగానే కాకుండా వేలాది మందికి సహాయం చేసిన ఆయన ఈరోజు మన మధ్య లేకపోవడం చాలా బాధాకరం.