Salaar: సలార్ సూపర్ హిట్ .. ప్రభాస్ ను మించిన హీరో లేడు.. కెజిఎఫ్ తరువాత ప్రశాంత్ నీల్ మరో బ్లాక్ బస్టర్ హిట్ ను అందుకున్నాడు. వెయ్యి కోట్లు పక్కా.. థియేటర్ లో ప్రభాస్ ఎంట్రీ కేకలు.. అరుపులు.. అన్ని బావుంటే .. ఈరోజు ఇలాంటి మాటలే వినేవాళ్లం కదా. సలార్ సెప్టెంబర్ 28 న ప్రేక్షకుల ముందుకు వచ్చి ఉంటే.. ఇంతకన్నా ఎక్కువ హంగామానే చేసేవారు ఫ్యాన్స్. కానీ, సలార్ మేకర్స్ సినిమా వాయిదా పడిందని చెప్పడంతో .. ఈరోజు ఏ హంగామా లేదు. ప్రభాస్, శృతి హాసన్ జంటగా ప్రశాంత్ నీల్ దర్శకత్వంలో తెరకెక్కుతున్న చిత్రం సలార్. ఈ చిత్రంపై అభిమానులు భారీ అంచనాలు పెట్టుకున్నారు. కెజిఎఫ్ చిత్రం తరువాత ప్రశాంత్ నీల్ దర్శకత్వం వహిస్తున్న చిత్రం కావడంతో .. ప్రభాస్ కెరీర్ లోనే ఈ సినిమా భారీ విజయాన్ని అందుకుంటుందని అభిమానులు ఆశలు పెట్టుకున్నారు.
Bigg Boss 7 Telugu: ఇదేం టాస్క్ రా సామి..కన్నీటితో గ్లాస్ నింపడం ఏంటి బాసూ..
మొదటి నుంచి అప్పుడు రిలీజ్ అవుతుంది.. ఇప్పుడు రిలీజ్ అవుతుంది అనుకుంటూ చివరికి సెప్టెంబర్ 28 న రిలీజ్ డేట్ ను అనౌన్స్ చేశారు. ఇక అప్పటినుంచి ఎప్పుడెప్పుడు సెప్టెంబర్ 28 వస్తుందా అని డార్లింగ్ ఫ్యాన్స్ వెయ్యి కళ్లతో ఎదురుచూస్తూ వచ్చారు. ఇక ఆరోజు రానే వచ్చింది కానీ, సినిమా మాత్రం రాలేదు. కొన్ని అనివార్య కారణాల వలన ఈ సినిమా వాయిదా పడుతుందని మేకర్స్ అధికారికంగా తెలిపారు. దీంతో ఫ్యాన్స్ నిరాశకు గురయ్యారు. అన్ని బావుండి ఉంటే .. ఈరోజు సలార్ హిట్ టాక్ తో ఫ్యాన్స్ అందరూ ఎంతో హుషారుగా ఉండేవారు. మరి సలార్ ఎప్పుడు రిలీజ్ అవుతుందో అప్పటివరకు అభిమానులకు ఈ నిరాశ తప్పదు. మరి ఈ సినిమా ఎప్పుడు రిలీజ్ అవుతుందో చూడాలి.