సలార్ తర్వాత పాన్ ఇండియా స్టార్ ప్రభాస్ నుంచి వస్తున్న పాన్ వరల్డ్ ప్రాజెక్ట్ ‘కల్కి’. నాగ్ అశ్విన్ తెరకెక్కిస్తున్న కల్కి 2898ఎడి పై భారీ అంచనాలున్నాయి. వరల్డ్ వైడ్‌గా ఊహించని రేంజ్‌లో సినిమాను రిలీజ్ చేయడానికి ప్లాన్ చేస్తున్నారు. అందుకే… ప్రమోషన్స్‌ను హాలీవుడ్ రేంజ్‌లో ప్లాన్ చేస్తున్నారు. ఇప్పటికే కల్కి గ్లింప్స్‌ను హాలీవుడ్ సినిమాల తరహాలో అమెరికాలో జరిగే కామిక్ కాన్ ఈవెంట్‌లో గ్రాండ్‌గా రిలీజ్ చేశారు. ఇప్పుడు టీజర్‌ను కూడా హాలీవుడ్ గడ్డపైనే రిలీజ్ చేయడానికి ప్లాన్ చేస్తున్నట్లుగా తెలుస్తుంది. అమెరికాలో పలు హాలీవుడ్ సినిమాల టీజర్స్‌ని మొదటగా ప్లే చేసే హైయెస్ట్ వ్యూవర్ షిప్ కలిగిన సూపర్ బౌల్ ఈవెంట్‌లో కల్కి టీజర్‌ని ప్రెజెంట్ చేసే విధంగా సన్నాహాలు చేస్తున్నారట. గతంలో అక్కడ డెడ్ పూల్ 3, జోకర్ 2, గాడ్జిల్లా, డూన్ 2 గ్లింప్స్ అండ్ ట్రైలర్స్‌ని రిలీజ్ చేశారు. ఇప్పుడు కల్కి టీజర్‌ని కూడా అక్కడే రిలీజ్ చేయబోతున్నారట.
ఒకవేళ ఇదే జరిగితే… ఇండియన్ సినిమా నుంచి వెళ్లిన మొదటి సినిమాగా కల్కి నిలుస్తుంది. అలాగే కల్కి రీచ్ నెక్స్ట్ లెవల్ అనేలా ఉంటుందనే చెప్పాలి. అయితే… ఇందులో ఎంతవరకు నిజం ఉందనేది మేకర్స్ నుంచి క్లారిటీ రావాల్సి ఉంది. ఇక సోషల్ మీడియా వర్గాల ప్రకారం కల్కి టీజర్‌ను ఫిబ్రవరి సెకండ్ వీక్‌లో రిలీజ్ చేసే ఛాన్స్ ఉందని తెలుస్తోంది. మే 9న కల్కి రిలీజ్ కానుంది. దీంతో ఫిబ్రవరి 11న టీజర్ రిలీజ్ చేసి ప్రమోషన్స్ స్టార్ట్ చేయాలనే ఆలోచనలో ఉన్నారట. వైజయంతి మూవీస్ బ్యానర్లో అశ్వనీదత్ నిర్మిస్తున్న ఈ సినిమాలో కమల్ హాసన్ విలన్‌గా నటిస్తుండగా… దీపికా పదుకొనే హీరోయిన్‌గా… దిశా పటాని, అమితాబ్ బచ్చన్ ముఖ్య పాత్రలు చేస్తున్నారు.