Prabhas Bulk Dates for The Raja Saab: వరుస సినిమాలతో దూసుకుపోతున్న ప్రభాస్ ఈ మధ్యనే హను రాఘవపూడి దర్శకత్వంలో ఒక సినిమా ప్రారంభోత్సవం జరిపాడు. మరోపక్క సందీప్ రెడ్డి వంగా దర్శకత్వంలో కూడా ఒక సినిమా చేయడానికి గ్రీన్ సిగ్నల్ ఇచ్చాడు. ఈ సినిమాలు రెండు వచ్చే ఏడాది సెట్స్ మీదకు వెళ్లే అవకాశం ఉంది. ఇక ఆ సినిమాలు సెట్స్ మీదకు వెళ్లే లోపే మారుతీ దర్శకత్వంలో చేస్తున్న రాజా సాబ్ సినిమా షూటింగ్ పూర్తి చేయాలని భావిస్తున్నాడు. ఈ సినిమాలో తన పాత్రకు సంబంధించిన షూటింగ్ ఆ రెండు సినిమాల షూటింగ్స్ మొదలయ్యే లోపే పూర్తి చేయాలనే భావిస్తున్నట్లుగా తెలుస్తోంది. ఒక రకంగా చెప్పాలంటే ప్రభాస్ మారుతికి పెద్ద టార్గెట్ ఇచ్చాడని అక్టోబర్ లోపు తన పోర్షన్ సంబంధించిన షూటింగ్ అంతా పూర్తి చేయాలని కోరినట్లుగా తెలుస్తోంది.
Vishwak Sen: మళ్ళీ చెక్కుతున్నారట!
ఇప్పటివరకు ఈ సినిమాకి సంబంధించిన టాకీ మాత్రమే షూట్ చేస్తూ వస్తున్నారు. అయితే ప్రభాస్ కోరిన మేరకు సినిమా సాంగ్స్ కూడా మొదలుపెట్టే అవకాశం ఉంది. సినిమా ప్రస్తుతానికి 70% షూటింగ్ పూర్తి చేసుకోగా ప్రభాస్ జాయిన్ అయితే మిగతా 30% కూడా పూర్తవుతుందని అంటున్నారు. ప్రభాస్ మరే సినిమాకి డేట్స్ ఇవ్వకుండా ఈ సినిమాకి బల్క్ డేట్స్ ఇచ్చాడని వీలైనంత త్వరగా సినిమా పూర్తి చేయడానికి ప్రయత్నం చేస్తున్నారని తెలుస్తోంది. ఏమైనా ఉంటే అక్టోబర్ లోపే చేసుకో ఆ తరువాత నన్నిక విసిగించద్దు బాబోయ్ అంటున్నాడట. ఇక ఈ సినిమాలో మాళవిక మోహనన్, నిధి అగర్వాల్తో పాటు మరికొందరు భామలు హీరోయిన్లుగా నటిస్తున్నారు. టీజీ విశ్వ ప్రసాద్ ఈ సినిమాని పీపుల్ మీడియా ఫ్యాక్టరీ బ్యానర్ మీద నిర్మిస్తున్నారు. ఏప్రిల్ 2025లో సినిమాని రిలీజ్ చేసే అవకాశం ఉంది. ముందు సంక్రాంతి అనుకున్నారు కానీ అప్పటికి సినిమా రిలీజ్ చేయడమైతే కష్టమే.