ఒక హీరోయిన్ ఏ పాత్ర ఇచ్చిన చేయగలగాలి.. ఇలాంటి పాత్రలే చేస్తాను అని కూర్చుంటే.. అవకాశాలు అందుకోవడం కష్టం. నాటి తరం నాయికలు ఒకే హీరోకు చెల్లిగా చేశారు.. హీరోయిన్ గా చేశారు. అన్నాచెలెల్లిగా కన్నీళ్లు తెప్పించారు.. ప్రేమికులుగా రొమాన్స్ పండించారు. ఎలాంటి పాటలోనైనా ఒదిగిపోవడం హీరోయిన్ కు ఉండాల్సిన ప్రధాన లక్షణం.. ప్రస్తుతం బుట్టబొమ్మ పూజా హెగ్డే కూడా అలాంటి హీరోయిన్లలో ఒకరు.. హీరోయిన్ గా ఎలాంటి పాత్రలోనైనా ఒదిగిపోగలడు. ప్రస్తుతం వరుస సినిమాలతో బిజీగా ఉన్న ఈ బుట్టబొమ్మ స్పెషల్ సాంగ్స్ లలో కూడా కనిపిస్తూ మెప్పిస్తోంది. ఇప్పటికే రంగస్థలంలో తన సత్తా చాటిన ఈ బ్యూటీ ఇప్పుడు ఎఫ్ 3 లో వెంకటేష్, వరుణ్ లతో కలిసి చిందేస్తోంది.
ఇక ఇక్కడి వరకు బాగానే ఉన్నా వెంకటేష్, రానా ప్రధాన పాత్రలుగా నెట్ ఫ్లిక్స్ కోసం `రానా నాయుడు` పేరుతో ఒక వెబ్ యాక్షన్ డ్రామా తెరకెక్కుతున్న విషయం విదితమే. ఇక ఈ సిరీస్ లో కూడా పూజా హీరోయిన్ గా నటిస్తోంది. ఇందుకు సంబంధించిన అధికారిక ప్రకటన కూడా ఇటీవలే బయటికి వచ్చేసింది. ఇక తాజాగా ఈ సిరీస్ గురించిన ఒకవార్త ప్రస్తుతం సోషల్ మీడియా లో వైరల్ గా మారింది. అదేంటంటే.. ఈ సిరీస్ లో పూజా, వెంకటేష్ కు చెల్లిగా నటించనున్నదట. సినిమాలో వీరిద్దరి మధ్య వున్న అనుబంధం, వీరిద్దరి మధ్య వచ్చే సన్నివేశాలు సినిమాకు ప్రధాన హైలైట్స్ గా నిలుస్తాయని టాక్ వినిపిస్తోంది. ఎఫ్ 3 లో స్పెషల్ సాంగ్ లో వెంకీ మామ తో రొమాంటిక్ గా డాన్స్ వేసిన పూజా.. రానా నాయుడు లో చెల్లెలిగా కనిపించడం విశేషం. మరి ఈ వార్తలో నిజం ఎంత అనేది తెలియాలంటే డిసెంబర్ 30 వరకు ఆగాల్సిందే.