Hema: హేమ రేవ్ పార్టీ వ్యవహారంలో ట్విస్ట్.. ఆ వీడియోతో అడ్డంగా బుక్కయ్యిందిగా?

Twist in Hema Bengaluru Farm House Rave Party Case: బెంగళూరు రేవ్ పార్టీ కేసులో కాసేపటికి ఒక ట్విస్ట్ తెరమీదకు వస్తోంది. ఈ కేసులో ముఖ్యంగా తెలుగు నటి హేమ వ్యవహారం మాత్రం హాట్ టాపిక్ అవుతోంది. ముందుగా నటి హేమ పోలీసుల అదుపులో ఉందంటూ కన్నడ మీడియాలో పెద్ద ఎత్తున ప్రచారం జరిగింది. దీన్ని బేస్ చేసుకుని తెలుగు మీడియా కూడా ఆమె రేవ్ పార్టీలో ఉన్నట్టు వార్తలు ప్రసారం చేసింది. అయితే సడన్ ట్విస్ట్ ఇస్తూ తాను హైదరాబాదులో ఒక ఫామ్ హౌస్ లో చిల్ అవుతున్నానని తాను బెంగళూరు ఫామ్ హౌస్ లో లేనని, ఆ పార్టీకి తనకి సంబంధం లేదంటూ ఆమె ఒక వీడియో విడుదల చేసింది. అయితే ఆమె వీడియో విడుదల చేసిన కొద్దిసేపటికి అదే డ్రెస్ లో ఉన్న ఆమె ఫోటో ఒకదాన్ని బెంగళూరు పోలీసులు రిలీజ్ చేశారు. ఆమెను అదుపులోకి తీసుకున్నామని పేర్కొన్నారు. అంతేకాక హేమ విడుదల చేసిన వీడియో కూడా బెంగళూరు ఫామ్ హౌస్ లో షూట్ చేసిందని పోలీసులు తేల్చారు.

Srikanth: మొన్న విడాకులు, ఇవాళ రేవ్ పార్టీ.. తప్పు లేదు అంటూ శ్రీకాంత్ వీడియో రిలీజ్!

ఈ మేరకు మరో ప్రకటన చేశారు. నటి హేమ ఇదే పార్టీలో పాల్గొన్నట్టు బెంగళూరు పోలీసులు బయటపెట్టారు. హేమ వీడియో రిలీజ్ చేసిన సమయంలో ఆమె బ్యాక్ గ్రౌండ్ లో కనపడిన చెట్లు బెంగళూరు ఫామ్ హౌస్ లో ఉన్నవేనని చెబుతూ పోలీసులు ఒక ఫోటో రిలీజ్ చేశారు. ఆ చెట్లను మార్క్ చేసుకుని, ఆ ఫోటోలను మీడియాకు రిలీజ్ చేయడం గమనార్హం. బెంగళూరులో నిర్వహించిన రేవ్ పార్టీలో తెలుగు సినీ, టీవీ నటీనటులు ఉన్నారని ప్రచారం జరుగుతోంది. ఈ రేవ్ పార్టీలో కొకైన్ తో పాటు మరిన్ని రకాల డ్రగ్స్ వాడుతున్నట్లు తెలియడంతో నార్కోటిక్స్ కంట్రోల్ బ్యూరోతో కలిసి రైడ్స్ చేశారు. ఇక రైడ్స్ చేసిన సమయంలో వందమందికి పైగా ఈ పార్టీకి హాజరైనట్లు గుర్తించారు. వారందరినీ పోలీసులు అదుపులోకి తీసుకున్నారు. ఈ క్రమంలోనే రేవ్ పార్టీలో పెద్ద ఎత్తున డ్రగ్స్ వాడినట్లు గుర్తించారు పోలీసులు. కొంతమేర డ్రగ్స్ తో పాటు, 15 లగ్జరీ కార్లను పోలీసులు స్వాధీనం చేసుకున్నారు. వందమందికి పైగా పోలీసులు అదుపులో ఉండగా వారిలో ఐదుగురిని అరెస్ట్ చేసినట్లు తెలుస్తోంది.