‘పెద్దన్న’ టీజర్ను విడుదల చేసిన విక్టరీ వెంకటేష్
- Follow Us :
-
-
Add as a preferred
source on google
సూపర్ స్టార్ రజనీకాంత్ లేటెస్ట్ యాక్షన్ ఎంటర్టైనర్ ‘అన్నాత్తె’ తెలుగులో ‘పెద్దన్న’ పేరుతో రాబోతుంది. ‘అన్నాత్తై’ సినిమా తెలుగు రైట్స్ను టాలీవుడ్ డిస్ట్రిబ్యూషన్ రంగంలో అగ్రగామి అయిన ఏషియన్ ఇన్ ఫ్రా ఎస్టేట్స్ ఎల్ఎల్పి సంస్థ సొంతం చేసుకుంది. ఈ చిత్రాన్ని తెలంగాణ, ఆంధ్రప్రదేశ్లో నారాయణదాస్ నారంగ్, సురేష్ బాబు కలిసి ఈ చిత్రాన్ని తెలుగు ప్రేక్షకులకు అందిస్తున్నారు. తాజాగా ‘పెద్దన్న’ టీజర్ను ఈ రోజు (అక్టోబర్ 23) విక్టరీ వెంకటేష్ విడుదలచేశారు.
Read Also : ‘కిలిమంజారో’పై నివేదా థామస్
ఈ టీజర్ తెలుగు ప్రేక్షకులను కట్టిపడేస్తోంది. ఇందులో మాస్ ప్రేక్షకులకు కావాల్సిన అంశాలు పుష్కలంగా ఉన్నాయి. డైలాగ్స్, యాక్షన్స్ సీక్వెన్స్, రజనీ మార్క్ స్టైల్తో రాబోతోన్న ‘పెద్దన్న’ టీజర్ సినిమాపై అంచనాలను మరింత పెంచింది. ఇప్పటికే రిలీజ్ చేసిన పోస్టర్కు మంచి స్పందన వచ్చింది. తాజాగా టీజర్ సైతం అందరినీ ఆకట్టుకుంటోంది. డి ఇమ్మాన్ అందించిన బ్యాక్ గ్రౌండ్ స్కోర్ అందరినీ మెప్పించేలా ఉంది. శివ దర్శకత్వంలో రాబోతోన్న ఈ చిత్రంలో రజనీకాంత్ సరసన నయనతార నటిస్తోంది. మీనా, కుష్బూ, కీర్తి సురేష్, జగపతి బాబు, ప్రకాష్ రాజ్ ముఖ్య పాత్రల్లో కనిపించనున్నారు. ఈ చిత్రానికి వెట్రి సినిమాటోగ్రఫర్గా, రూబెన్ ఎడిటర్గా వ్యవహరిస్తున్నారు. ‘పెద్దన్న’ సినిమాను దీపావళి కానుకగా నవంబర్ 4న ప్రపంచవ్యాప్తంగా విడుదల కాబోతోంది.