Trivikram Srinivas : ఓజీ సెట్స్ లో త్రివిక్రమ్..?

Trivikram Srinivas : పవన్ కల్యాణ్‌ నటిస్తున్న ఓజీ షూటింగ్ చాలా నెలల తర్వాత రీ స్టార్ట్ అయింది. పవన్ కల్యాణ్‌ డేట్లు కేటాయించడంతో డైరెక్టర్ సుజీత్ కెమెరాలను రెడీ చేసుకుంటున్నాడు. ప్రస్తుతానికి అన్నపూర్ణ స్టూడియోస్ లో షూటింగ్ జరుగుతోంది. త్వరలోనే ముంబైలో భారీ షెడ్యూల్ కూడా ప్లాన్ చేస్తున్నారంట. పవన్ కల్యాణ్‌ సెట్స్ కు వెళ్తున్నట్టు తెలుస్తోంది. అయితే త్రివిక్రమ్ కూడా పవన్ వెంటే సెట్స్ కు వెళ్తున్నాడంట. ప్రస్తుతానికి ఖాళీగానే ఉంటున్న త్రివిక్రమ్.. పవన్ కోరిక మేరకు ఓజీ సెట్స్ కు వెళ్తున్నట్టు తెలుస్తోంది. పవన్ కు అత్యంత సన్నిహితుడు, క్లోజ్ ఫ్రెండ్ త్రివిక్రమ్. పవన్ చేసే ప్రతి సినిమాలో ఈ నడుమ త్రివిక్రమ్ అబ్జర్వేషన్ ఉంటుంది.

Read Also : Pawan Kalyan : పవన్ సినిమా ఉండగా.. థియేటర్లు బంద్ అవుతాయా..?

భీమ్లా నాయక్, వకీల్ సాబ్ సినిమాల్లో చాలా వరకు త్రివిక్రమ్ సినిమాల ప్లేవర్ కనిపించింది. భీమ్లా నాయక్ కు డైలాగులు కూడా అందించాడు గురూజీ. ఇప్పుడు ఓజీ కోసం సుజీత్ కు సూచనలు, సలహాలు ఇచ్చే బాధ్యత తీసుకున్నాడంట. పవన్ కల్యాన్‌ ను ఎలా చూపించాలి.. ఎలాంటి సీన్లలో అయితే పవన్ కంఫర్టబుల్ గా ఫీల్ అవుతారు అనేది గురూజీ వివరిస్తున్నాడంట. ప్రస్తుతానికి పవన్ తో పాటే సెట్స్ కు వెళ్తున్న త్రివిక్రమ్.. సీన్ల మీద సుజీత్ కు కొన్ని టిప్స్ ఇస్తున్నాడంట.

డైలాగుల మీద గురూజీకి మంచి పట్టు ఉంది. అందులో నో డౌట్. సీన్లు రాయడంలో కూడా దిట్ట. పైగా పవన్ కు అత్యంత నమ్మకస్తుడిగా పేరు తెచ్చుకున్నాడు. కాబట్టి గురూజీ పాత్ర ఈ మూవీలో కూడా ఉండబోతున్నట్టు తెలుస్తోంది. ఇదే విషయం ఇప్పుడు సోషల్ మీడియాలో వైరల్ అవుతోంది. కొందరు పవన్ ఫ్యాన్స్ గురూజీ ఎంట్రీని వద్దంటున్నారు. ఇంకొందరేమో మంచిదే కదా అంటూ సపోర్ట్ చేస్తున్నారు.

Read Also : Nara Rohit : బాబాయ్.. ఏదేమైనా నీకు తోడుగా ఉంటా.. మనోజ్ పై నారా రోహిత్..