Pawan Kalyan Creative Works: పవన్ ఎలాంటి ప్రాజెక్టులు ఓకే చేయలేదు!

ఆంధ్రప్రదేశ్ ఉప ముఖ్యమంత్రి, జనసేనాని పవన్ కళ్యాణ్ సినిమాలపై గత కొద్దిరోజులుగా సోషల్ మీడియాలో వస్తున్న వార్తలకు ఒక స్పష్టత వచ్చింది, పవన్ కళ్యాణ్ తన రాజకీయ బాధ్యతలతో బిజీగా ఉండటంతో, ఆయన కొత్త సినిమాల గురించి రకరకాల ఊహాగానాలు చక్కర్లు కొడుతున్నాయి. అయితే, తాజా సమాచారం ప్రకారం పవన్ కళ్యాణ్ ప్రస్తుతం ఎటువంటి కొత్త సినిమా ప్రాజెక్టులకు సంతకం చేయలేదు. ప్రస్తుతానికి పవన్ కళ్యాణ్ కేవలం ప్రజా సేవకే పరిమితమయ్యారు. కొత్తగా ఏవైనా సినిమాలకు గ్రీన్ సిగ్నల్ ఇచ్చారనే వార్తల్లో వాస్తవం లేదు. “ఆయన కొత్త సినిమాలను ప్రారంభించే ఆలోచనలో ఇప్పుడప్పుడే లేరు. ఒకవేళ భవిష్యత్తులో ఏదైనా సినిమా ప్రాజెక్ట్ ఖరారైతే, అది అధికారికంగా ప్రకటిస్తారు” అని పవన్ కళ్యాణ్ క్రియేటివ్ వర్క్స్ అధికారికంగా ప్రకటించింది. అప్పటివరకు అనవసరమైన ప్రచారాలను నమ్మవద్దని సూచించారు.

Also Read :Dhurandhar 2 : దురంధర్ 2 బ్యాన్ చేయండి!

పవన్ కళ్యాణ్ అభిమానులు ఎంతో ఆసక్తిగా ఎదురుచూస్తున్న చిత్రం OG సీక్వెల్ గురించి నెట్టింట చర్చ జరుగుతోంది. అయితే, OG2 గురించి ఏవైనా వివరాలు ఉంటే, అవి నేరుగా పవన్ కళ్యాణ్ గారే సరైన సమయంలో స్వయంగా పంచుకుంటారు. అంతవరకు ఎటువంటి అధికారిక ప్రకటన వెలువడదు అని పేర్కొన్నారు. పవన్ కళ్యాణ్ ఆంధ్రప్రదేశ్ ప్రభుత్వంలో కీలక బాధ్యతలను నిర్వర్తిస్తున్నారు. ప్రజల సమస్యల పరిష్కారం, రాష్ట్ర అభివృద్ధిపైనే ఆయన పూర్తి దృష్టి పెట్టారు. సినిమా షూటింగ్‌ల కంటే ప్రజా క్షేత్రంలో ఉండటానికే ఆయన ప్రాధాన్యత ఇస్తున్నారు. కాబట్టి, మెగాభిమానులు, జనసైనికులు అధికారిక ప్రకటన వచ్చే వరకు వేచి చూడాల్సిందే.