Pawan Kalyan: ఫ్యాన్స్ కు పూనకాలు తెప్పిస్తున్న పవన్.. 20 ఏళ్ల తర్వాత ఇలా

Pawan Kalyan: పవర్ స్టార్ పవన్ కళ్యాణ్ ఒకేసారి అటు రాజకీయాలను, ఇటు అభిమానులను తన ట్వీట్స్ తో వేడెక్కిస్తున్నాడు. ఉదయం నుంచి వైసీపీ నేతలకు, పవన్ కు మధ్య కౌంటర్లు, సెటైర్లు నడిచిన సంగతి తెల్సిందే. గతంలోలా పవన్ ఇప్పుడు సైలెంట్ గా ఉండడం లేదు.. ఒక మాటకు టక్కున ఇంకో మాట అంటూ అసలు సిసలైన రాజకీయాలను నేర్చుకుంటున్నాడు. ఇక సినిమాల విషయంలో ఫ్యాన్స్ ను ఏ మాత్రం నిరాశపర్చడం లేదు. వరుస సినిమాలను అంగీకరిస్తూ వీలు చిక్కినప్పుడలా షూటింగ్ చేస్తూ అందుకు సంబంధించిన ఫోటోలను సోషల్ మీడియాలో పోస్ట్ చేస్తూ అభిమానుల్లో హుషారు పెంచుతున్నాడు. తాజాగా పవన్ షేర్ చేసిన ఫోటో సోషల్ మీడియాను షేక్ చేస్తోంది.

మొదటి నుంచి పవన్ మార్షల్ ఆర్ట్స్ లో ప్రావీణ్యం కలిగినవాడని అందరికి తెల్సిందే. పవన్ మొదటి సినిమా అక్కడ అమ్మాయి ఇక్కడ అబ్బాయి నుంచి జల్సా వరకు అన్ని సినిమాల్లోనూ పవన్ మార్షల్ ఆర్ట్స్ చేస్తూ కనిపించాడు. ఆ తరువాత కొద్దిగా గ్యాప్ తీసుకున్న పవన్ హరిహర వీరమల్లు కోసం మరోసారి మార్షల్ ఆర్ట్స్ ప్రాక్టీస్ చేస్తున్నాడు. ఇక తాజాగా మార్షల్ ఆర్ట్స్ ప్రాక్టీస్ చేస్తున్న ఫోటోను షేర్ చేస్తూ : దాదాపు రెండు దశాబ్దాల తరువాత మార్షల్ అరెస్ట్ ప్రాక్టీస్ చేస్తున్నాను” అంటూ చెప్పుకొచ్చాడు. ఇక ఈ ఫోటో పవన్ ఫ్యాన్స్ కు ఎంతో కిక్కునిచ్చింది అంటే అతిశయోక్తి కాదు. అప్పట్లో పవన్ ఎలా అయితే ఉన్నదో.. ఇప్పుడు కూడా అలాగే ఉన్నదంటూ రెండు ఫోటోలను పక్క పక్కన పెట్టి అభిమానులు షేర్ చేస్తున్నారు.

After two decades I got into my Martial Arts practice. pic.twitter.com/3CLqGRNbvH

— Pawan Kalyan (@PawanKalyan) December 9, 2022