Pawan Kalyan: పవర్ స్టార్ పవన్ కళ్యాణ్ ప్రస్తుతం ఒకపక్క సినిమాలతో.. ఇంకోపక్క రాజకీయాలతో బిజీగా ఉన్న సంగతి తెల్సిందే. ఎక్కువగా రాజకీయ ప్రచారాల్లోనే పాల్గొంటున్న పవన్ కొద్దిగా గ్యాప్ దొరికినా షూటింగ్స్ ను ఫినిష్ చేస్తున్నాడు. ప్రస్తతం పవన్ చేతిలో నాలుగు సినిమాలు ఉన్నాయి. హరిహరవీరమల్లు, ఉస్తాద్ భగత్ సింగ్, OG.. ఇంకో కొత్త చిత్రం. ఇక హరిహర వీరమల్లు క్లైమాక్స్ మిగిలి ఉందని టాక్. ఉస్తాద్ కు గ్యాప్ ఇచ్చిన పవన్ ఈ మధ్యనే సెట్ లో అడుగుపెట్టాడు. ఇంకోపక్క OG ని కూడా పూర్తి చేసేపనిలో పడ్డాడు. వీటితో పాటు వారాహి యాత్ర గురించి చెప్పనవసరం లేదు. ఏపీ మొత్తాన్ని చుట్టేస్తూ.. ప్రజల మంచి చెడులను కనుక్కుంటూ.. తనదైన రీతిలో సహాయం చేస్తున్నాడు. ఇక ఇవన్నీ పక్కన పెడితే.. సెప్టెంబర్ 2 కోసం పవన్ ఫ్యాన్స్ వెయ్యి కళ్ళతో ఎదురుచూస్తున్నారు. ఆరోజే పవన్ బర్త్ డే. ఈ నేపథ్యంలోనే ఇప్పటినుంచే రచ్చ చేయడం మొదలుపెట్టారు. ‘
Venu Tottempudi: ‘అతిథి’ గా వస్తున్న హీరో వేణు..
ఇప్పటికే ట్విట్టర్ లో PawanKalyanBirthdayCarnival అనే హ్యాష్ ట్యాగ్ ను ట్రెండ్ చేశారు. ఇక తాజాగా అందుతున్న సమాచారం ప్రకారం పవన్ విదేశాలకు పయమయ్యినట్లు తెలుస్తోంది. పవన్ భార్య అన్నాలెజినావో రష్యాలో ఉంటుంది. పిల్లల చదువుల కోసం ఆమె ఎక్కువ సమయం అక్కడే గడుపుతోంది. అప్పుడప్పుడు పవన్.. అక్కడకు వెళ్లి కుటుంబంతో సమయం గడుపుతాడు. ఇక ఇప్పుడు కూడా సినిమాలకు, రాజకీయాలకు కొంత గ్యాప్ ఇచ్చి కుటుంబంతో గడపడానికి పవన్ విదేశాలకు వెళ్లినట్లు సమాచారం. ఆయన పుట్టిన రోజున కూడా అక్కడే సెలబ్రేట్ చేసుకుంటాడని టాక్. ఇక ఈ ట్రిప్ సెప్టెంబర్ 7 న ముగుస్తుందని, వచ్చిన వెంటనే షూటింగ్ లో పాల్గొంటారని అంటున్నారు. మరి ఇందులో నిజమెంత అనేది తెలియాల్సి ఉంది.