Patang: జీ సింగర్ హీరోగా.. ఇన్‌స్టాగ్రామ్ భామ హీరోయిన్ గా పతంగ్‌.. రిలీజ్ ఎప్పుడంటే?

Patang Movie to Release on December 27th: జీ సింగర్ హీరోగా.. ఇన్‌స్టాగ్రామ్ భామ హీరోయిన్ గా పతంగ్‌ అనే సినిమా తెరకెక్కింది. ఇప్పటి వరకు ఎన్నో స్పోర్ట్స్ డ్రామాలు చూసి ఉంటారు కానీ ప‌తంగుల పోటీతో రాబోతున్న కామెడీ స్పోర్ట్స్ డ్రామా మా సినిమానే అంటున్నారు ‘ప‌తంగ్’ మేకర్స్. సినిమాటిక్ ఎలిమెంట్స్ అండ్ రిష‌న్ సినిమాస్ ప‌తాకంపై విజ‌య్ శేఖ‌ర్ అన్నే, సంప‌త్ మ‌క, సురేష్ కొత్తింటి సంయుక్తంగా నిర్మిస్తున్న ఈ సినిమాకు ప్ర‌ణీత్ ప్ర‌త్తిపాటి ద‌ర్శ‌కుడుగా వ్యవహరిస్తున్నారు. నాని బండ్రెడ్డి క్రియేటివ్ నిర్మాతగా వ్య‌వ‌హ‌రిస్తున్న ఈ సినిమాలో ఇన్‌స్టాగ్రామ్ సెన్సేష‌న్ ప్రీతి ప‌గ‌డాల‌, జీ స‌రిగ‌మ‌ప ర‌న్న‌ర‌ప్ ప్ర‌ణ‌వ్ కౌశిక్‌తో పాటు వంశీ పూజిత్ ముఖ్య‌పాత్రాలు పోషిస్తున్నారు. మ‌రికొంత మంది నూత‌న న‌టీన‌టుల‌తో పాటు ప్ర‌ముఖ సింగ‌ర్, న‌టుడు ఎస్‌పీ చ‌ర‌ణ్ ఈ సినిమాలో కీల‌క‌మైన పాత్ర‌లో క‌నిపించ‌బోతున్నారు.

Rashmika Mandanna: రష్మిక మందన్నకు బరువైన బాధ్యతలు

ఇప్పటికే షూట్ పూర్తి చేసుకుని పోస్ట్ ప్రొడక్షన్ కూడా పూర్తిచేసుకున్న ఈ సినిమా డిసెంబరు 27న ప్రపంచవ్యాప్తంగా ప్రేక్షకుల ముందుకు రానుంది. ఈ చిత్రం నుంచి ఇటీవల విడుదల చేసిన పాటలతో పాటు టీజర్‌కు మంచి స్పందన వచ్చింది. తాజాగా ఈ చిత్రం విడుదల తేదిని ప్రకటించారు మేకర్స్‌. డిసెంబరు 27న ఈ చిత్రాన్ని ప్రపంచవ్యాప్తంగా విడుదల చేస్తున్నామని వెల్లడించారు. ఈ సందర్భంగా నిర్మాతలు మాట్లాడుతూ ‘ఈ సినిమా థియేటర్‌లో యూత్‌ఫెస్టివల్‌లా ఉంటుంది. కొత్త‌వాళ్ల‌తో చేసిన మా సినిమా కొత్త‌గా వుండ‌టంతో పాటు చాలా పెద్ద సినిమా క్వాలిటీతో ఉంటుందన్నారు. ఈ సినిమాకు క‌థే హీరో అని, మా ప‌తంగ్ అన్నివ‌ర్గాల వారిని అల‌రిస్తుంద‌నే న‌మ్మ‌కం ఉందని పేర్కొన్నారు. కొత్త కంటెంట్‌ను ఆదరించే తెలుగు ప్రేక్షకులు మా ప్రయత్నాన్ని తప్పకుండా ఆదరిస్తారనే నమ్మకం ఉందని వెల్లడించారు.