Akhay Kumar: దేవరకి పోటీగా ఖిలాడీ దిగుతున్నాడు…

యంగ్ టైగర్ ఎన్టీఆర్… కొరటాల శివ కాంబినేషన్ లో పాన్ ఇండియా మార్కెట్ ని టార్గెట్ చేస్తూ రిలీజ్ అవుతున్న సినిమా ‘దేవర’. ఏప్రిల్ 5న రిలీజ్ కానున్న ఈ మూవీపై అనౌన్స్మెంట్ నుంచే భారీ అంచనాలు ఏర్పడ్డాయి. ఆ అంచనాలని ఎప్పటికప్పుడు పెంచుతూ మేకర్స్ నుంచి బ్యాక్ టు బ్యాక్ అప్డేట్స్ బయటకి వస్తున్నాయి. లేటెస్ట్ గా దేవర వరల్డ్ ని పరిచయం చేస్తూ గ్లిమ్ప్స్ ని రిలీజ్ చేసారు. ఈ వీడియోలో ఎన్టీఆర్ లుక్, ప్రెజెంట్ చేసిన విజువల్స్, అనిరుధ్ కొట్టిన బ్యాక్ గ్రౌండ్ స్కోర్ కి టెర్రిఫిక్ రెస్పాన్స్ వచ్చింది. మొదటి ప్రమోషనల్ కంటెంట్ కి సూపర్ రెస్పాన్స్ రావడంతో ఇదే జోష్ లో దేవర షూటింగ్ ని చేస్తున్నారు మేకర్స్. ఇప్పటికే 85% షూటింగ్ పార్ట్ కంప్లీట్ చేసుకున్న దేవర సినిమాని ఇబ్బంది పెట్టడానికి రెడీ అవుతోంది ఒక బాలీవుడ్ మూవీ.

బాలీవుడ్ ఖిలాడీ అక్షయ్ కుమార్, టైగర్ ష్రాఫ్ తో కలిసి నటిస్తున్న సినిమా ‘బడే మియా చోటే మియా’. అలీ అబ్బాస్ జాఫర్ డైరెక్ట్ చేస్తున్న ఈ మూవీ నుంచి ఫస్ట్ పోస్టర్ బయటకి వచ్చింది. అక్షయ్, టైగర్ ఇద్దరు గన్స్ పట్టుకోని యాక్షన్ మోడ్ లో కనిపిస్తున్న పోస్టర్ లో ఈ ఈద్ కి రిలీజ్ అని మేకర్స్ రిలీజ్ డేట్ ని అనౌన్స్ చేసారు అంటే ఏప్రిల్ 9న లేదా 10న బడే మియా చోటే మియా సినిమా రిలీజ్ కాబోతుంది. మిడ్ వీక్ అయినా ఫెస్టివల్ డే కాబట్టి దాన్ని క్యాష్ చేసుకోవడానికి బడే మియా చోటే మియా రిలీజ్ అవుతోంది. దేవర సినిమాకి అక్షయ్ కుమార్ సినిమాకి మధ్య నాలుగు రోజుల గ్యాప్ మాత్రమే ఉంది కాబట్టి నార్త్ బెల్ట్ లో దేవరకి బడే మియా చోటే మియా సినిమా నుంచి ఇబ్బందులు ఎదురయ్యే అవకాశం ఉంది.