NTR: మాస్.. టెర్రిఫిక్.. ఇలాంటి పదాలు సరిపోవేమో.. దేవరకు దండం పెట్టడమే

NTR: యంగ్ టైగర్ ఎన్టీఆర్ ప్రస్తుతం దేవర సినిమాతో బిజీగా ఉన్న విషయం తెలిసిందే. కొరటాల శివ దర్శకత్వంలో తెరకెక్కుతున్న ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్ గా నటిస్తుండగా సైఫ్ అలీఖాన్ విలన్ గా నటిస్తున్నాడు. నందమూరి కళ్యాణ్ రామ్ ఈ సినిమా ఎంతో ప్రతిష్టాత్మకంగా నిర్మిస్తున్నాడు. ఇప్పటికే ఈ సినిమా నుంచి రిలీజ్ అయిన పోస్టర్స్ ప్రేక్షకులను విశేషంగా ఆకట్టుకుంటున్నాయి. ఇక ఈ సినిమాపై ఎన్టీఆర్ ఫ్యాన్స్ ఎన్నో ఆశలను, అంచనాలను పెట్టుకున్నారు. వచ్చే ఏడాది దేవర ప్రేక్షకుల ముందుకి రానుంది. ఇప్పటికే దేవర షూటింగ్ సగానికి పైగా పూర్తిచేసినట్లు తెలుస్తోంది. ఇక ఈ సినిమా నుంచి ఎటువంటి లీక్స్ లేకుండా మేకర్స్ ఎంతో జాగ్రత్త పడుతున్నారు.

Animal: యానిమల్ కా బాప్.. అంటే ఈ రేంజ్ లోనే ఉండాలి

మొదటి నుంచి కూడా దేవర నుంచి ఎప్పుడు ఏ అప్డేట్ వచ్చినా కూడా వెంటనే వైరల్ గా మారుతుంది. తాజాగా ఈ సినిమా విఎఫ్ ఎక్స్ సూపర్ వైజర్ శ్రీనివాస్ మోహన్ రెండు అద్భుతమైన ఫోటోలను షేర్ చేశాడు. ప్లేయింగ్ విత్ ఏఐ ఇల్యూజన్ టూల్ తో ఎన్టీఆర్ ఫేస్ ను క్రియేట్ చేశాడు. సముద్రపు ఒడ్డున ఉన్న పడవలతో ఎన్టీఆర్ ముఖాన్ని డిజైన్ చేశాడు. ప్రస్తుతం ఈ ఫొటోస్ సోషల్ మీడియాను షేక్ చేస్తున్నాయి.ఇక ఈ ఫోటోలకు అభిమానులు ఫిదా అయిపోతున్నారు. మాస్.. టెర్రిఫిక్.. ఇలాంటి పదాలు సరిపోవేమో దేవర.. అంటూ కామెంట్స్ పెడుతున్నారు. మరి ఈ సినిమాతో ఎన్టీఆర్ ఎలాంటి విజయాన్ని అందుకుంటాడో చూడాలి.

Playing with Ai illusion tool. @tarak9999 pic.twitter.com/sOLl05lcqE

— Srinivas Mohan (@srinivas_mohan) September 21, 2023