NTR 30: షిప్ పై భారి యాక్షన్ ఎపిసోడ్ తో షూట్ మొదలు… అరాచకం ఆరంభం

యంగ్ టైగర్ ఎన్టీఆర్ ఆర్ ఆర్ ఆర్ తర్వాత పాన్ ఇండియా రేంజులో చేస్తున్న సినిమా ‘ఎన్టీఆర్ 30. కమర్షియల్ సినిమాలకి కొత్త అర్ధం చెప్పిన కొరటాల శివ డైరెక్ట్ చేస్తున్న ఈ మూవీ ఇటివలే గ్రాండ్ గా లాంచ్ అయ్యింది. బాలీవుడ్ హీరోయిన్ జాన్వీ కపూర్, ఎన్టీఆర్ పక్కన హీరోయిన్ గా నటిస్తోంది. అనౌన్స్మెంట్ తోనే హ్యుజ్ ఎక్స్పెక్టేషన్స్ ని సెట్ చేసిన కొరటాల శివ-ఎన్టీఆర్ లు రెగ్యులర్ షూటింగ్ కి రెడీ అవుతున్నారు. సాబు సిరిల్ డిజైన్ చేసిన భారి షిప్ సెట్ లో, హాలీవుడ్ స్టంట్ ఖొరియోగ్రాఫర్ కెన్నీ బేట్స్ నేతృత్వంలో భారి యాక్షన్ ఎపిసోడ్ తో ‘ఎన్టీఆర్ 30’ షూటింగ్ స్టార్ట్ కానుంది. ఈ యాక్షన్ ఎపిసోడ్ కోసమే కొరటాల శివ బ్లడ్ టాంకర్లని కూడా తెప్పించాడనే వార్త సోషల్ మీడియాలో వినిపిస్తోంది. హై ఇంటెన్సిటీ యాక్షన్ ఎపిసోడ్ ని షూట్ చేసి, మే 20న ఎన్టీఆర్ బర్త్ డే సంధర్భంగా ఒక స్పెషల్ గిఫ్ట్ ఇవ్వాలనేది కొరటాల ప్లాన్ లా కనిపిస్తోంది.

ఎన్టీఆర్ బర్త్ డే రోజున ఒక సాలిడ్ అప్డేట్ వదిలితే అది పాన్ ఇండియా లెవల్లో ఈజీగా ట్రెండ్ అవుతుంది అనడంలో ఎలాంటి సందేహం లేదు. అందుకే మొదటి షెడ్యూల్ లోనే యాక్షన్ పార్ట్ లోకి దిగేసాడు కొరటాల శివ. అరవింద సమేత వీర రాఘవ సినిమా సమయంలో కూడా త్రివిక్రమ్, ఫస్ట్ హీరో ఇంట్రడక్షన్ యాక్షన్ ఎపిసోడ్ ని షూట్ చేశాడు. ఆ షెడ్యూల్ నుంచే ఫస్ట్ లుక్ ని రిలీజ్ చేసి అరవింద సమేత సినిమాపై అంచనాలని అమాంతం పెంచేసాడు. ఇదే మ్యాజిక్ ‘ఎన్టీఆర్ 30’ విషయంలో కూడా రిపీట్ అవనుంది కాకపోతే ఈసారి పాన్ ఇండియా స్థాయిలో… సముద్రం బ్యాక్ డ్రాప్ లో, మృగాల్లాంటి మనుషులని భయపెట్టే పాత్రలో ఎన్టీఆర్ కనిపించబోతున్నాడు. కొరటాల మార్క్ డైలాగ్స్ కి, ఎన్టీఆర్ పెర్ఫార్మెన్స్ కి, అనిరుద్ మ్యూజిక్ కూడా కలిసింది కాబట్టి ‘ఎన్టీఆర్ 30’ సౌండ్ గట్టిగానే వినిపించబోతుంది.