Nithin : ‘తమ్ముడు’ మూవీ నుంచి ఆకట్టుకుంటున్న సప్తమి గౌడ లుక్ ..
టాలీవుడ్లో కొంతకాలంగా సరైన హిట్ కోసం తాపత్రయ పడుతున్న హీరోల్లో నితిన్ ఒకరు. చివరగా ‘రాబిన్ హుడ్’ మూవీపై చాలా ఆశలు పెట్టుకున్నప్పటికీ .. అనుకున్నంతగా ఆకట్టుకోలేకపోయింది. ప్రజెంట్ ఇప్పుడు ‘తమ్ముడు’ సినిమాలో నటిస్తున్నాడు నితిన్. వేణు శ్రీరామ్ దర్శకత్వం వహిస్తున్న ఈ మూవీ లో లయ, స్వశిక, వర్ష బొల్లమ్మ, సౌరభ్ సచ్దేవా కీలక పాత్రల్లో కనిపించనున్నారు. దిల్ రాజు నిర్మించిన ఈ చిత్రంలో కాంతార నటి సప్తమి గౌడ కథానాయికగా నటిస్తున్న విషయం తెలిసిందే. నేడు సప్తమి బర్త్డే కావడంతో ఆమెకి పుట్టినరోజు శుభాకాంక్షలు తెలుపుతూ కొత్త పోస్టర్ను పంచుకున్నారు.
Also Read : #NBK 111 : మాస్ దేవుడు తిరిగొచ్చాడు..ఈ సారి మరింత గట్టిగా గర్జిస్తాం
ఈ లుక్లో సప్తమి లంగ జాకెట్ ధరించి .. పల్లెటూరి అమ్మాయిల అమాయకంగా కనిపించింది. ఇక ఈ సినిమాలో హీరోయిన్ పాత్రకి యాక్టింగ్ స్కోప్ ఎక్కువ ఉంటుందట. అందుకే ఆ రోల్ కి సప్తమి అయితే న్యాయం చేయగలరని దర్శకుడు భావిస్తున్నట్లు తెలుస్తోంది. ఇక పోతే ఈ సినిమాను మొదట 2025 జూలై 4న విడుదల చేస్తామని ప్రకటించారు. కానీ విజయ్ దేవరకొండ ‘కింగ్ డమ్’ కోసం వాయిదా వేస్తున్నట్లు టాక్ వినిపించింది. ఇప్పుడు ‘తమ్ముడు’ నిర్మాతలు జూలై 25న విడుదలకు ప్లాన్ చేస్తున్నట్లుగా వార్తలు వస్తున్నాయి.