Sai Pallavi: ఈమె సీత అయితే.. అంతకుముందు సీతగా చేసినవారిని మర్చిపోవచ్చు.. ?

Sai Pallavi: ఫిదా సినిమాతో కుర్రకారును ఫిదా చేసిన హీరోయిన్ సాయిపల్లవి. మొదటి సినిమాతోనే భారీ బ్లాక్ బస్టర్ అందుకున్న సాయి పల్లవి తర్వాత పాత్రకు ప్రాధాన్యత ఉన్న సినిమాలను ఎంచుకొని లేడీ పవర్ స్టార్ గా మారింది. ముఖ్యంగా నటనతోనే కాకుండా డాన్స్ తో కూడా ఆమె అభిమానులకు దగ్గర అయింది. వరుస సినిమాలు చేయకుండా ఆచితూచి అడుగులు వేస్తున్న సాయిపల్లవి ప్రస్తుతం శివ కార్తికేయన్ తో ఒక సినిమా చేస్తుంది. ఈ సినిమా తర్వాత ఈ భామ బాలీవుడ్ ఎంట్రీ ఇస్తుందని వార్తలు వినిపిస్తున్నాయి. ఇప్పటికే ఒక స్టార్ హీరో కొడుకు ఎంట్రీ ఇస్తున్న సినిమాలో సాయిపల్లవి నటిస్తుందని వార్తలు వచ్చాయి.ఇకపోతే అందుతున్న సమాచారం ప్రకారం ఈ సినిమా కాకుండా మరో పాన్ ఇండియా సినిమాలో సాయిపల్లవి నటిస్తుందని వార్తలు వైరల్ గా మారాయి. అదేంటంటే బాలీవుడ్ దర్శకుడు నితీష్ తివారీ డైరెక్ట్ చేస్తున్న రామాయణంలో సాయిపల్లవి సీతగా నటిస్తున్నట్లు సోషల్ మీడియాలో ఒక వార్త వైరల్ గా మారింది.

Prabhas: రేయ్.. రేయ్.. ఎవర్రా ఆ పిల్ల.. ప్రభాస్ నే చెంప మీద కొట్టి అట్టా పారిపోయింది..

ఇప్పటికే బాలీవుడ్ లో ఆదిపురుష్ సినీరంతో ఈ ఏడాది ఒక రామాయణం ప్రేక్షకుల ముందుకు వచ్చింది. అయితే ఈ సినిమా ఆశించిన ఫలితం అందుకోలేకపోయింది. దీంతో మరో రామాయణం తెరకెక్కించే పనిలో ఉన్నారంట బాలీవుడ్ మేకర్స్. ఇక ఈ రామాయణంలో రాముడిగా రణబీర్ కపూర్ కనిపించనుండగా.. రావణుడి పాత్రలో హృతిక్ రోషన్ నటిస్తున్నట్లు తెలుస్తుంది. సీతగా సాయిపల్లవి పర్ఫెక్ట్ అని భావించిన మేకర్స్ ఆమెను సంప్రదించినట్లు సమాచారం. మొదటినుంచి కూడా పాత్రకు ప్రాధాన్యత ఉన్న సినిమాలు ఎంచుకుంటున్న సాయిపల్లవి రామాయణంలో సీత పాత్ర ఎంత ప్రాధాన్యత సంతరించుకుంటుందో తెలియంది కాదు. అందుకే ఈ కథను ఆమె వెంటనే ఒప్పుకుందని తెలుస్తుంది. సహజంగా నటించి ఏ పాత్రకైనా ఒక మంచి విలువను తీసుకొచ్చే ఆమె.. ఇక సీతగా కనిపిస్తే మాత్రం అభిమానులు హారతులు పడతారు అనే విషయం చెప్పనవసరం లేదు. ఈ విషయం తెలియడంతో ఆమె ఫాన్స్.. ఈమె కనుక సీత అయితే అంతకుముందు సీతగా చేసిన వారిని మర్చిపోవచ్చు అంటూ కామెంట్స్ పెడుతున్నారు. మరి ఇందులో ఎంతవరకు నిజమున్నది అని తెలియాల్సి ఉంది.