Spy Glimpse: అదరహో అనిపించిన నిఖిల్
యువ హీరో నిఖిల్ సిద్ధార్థ్ చేస్తోన్న క్రేజీ ప్రాజెక్టుల్లో ‘స్పై’ ఒకటి. ‘కార్తికేయ 2’ తర్వాత ఇది అతని రెండో పాన్ ఇండియా సినిమా. ఈ సినిమాతో ప్రముఖ ఎడిటర్ గ్యారీ బీహెచ్ దర్శకుడిగా అవతారమెత్తుతున్నాడు. చరణ్ తేజ్ ఉప్పలపాటి సీఈవోగా ఎడ్ ఎంటర్టైన్మెంట్స్పై కే రాజశేఖర్ రెడ్డి ఈ సినిమాని నిర్మిస్తున్నారు. శరవేగంగా షూటింగ్ జరుపుకుంటోన్న ఈ సినిమాకి సంబంధించి చిత్రబృందం ఒక చిన్న గ్లింప్స్ రిలీజ్ చేసింది. థీమ్కి తగినట్టుగానే ఈ వీడియో మెప్పించిందని చెప్పుకోవచ్చు.
చేతిలో ట్రాన్స్మిటర్తో మంచు పర్వతాల మీద నడుస్తున్న హీరో.. ఫైనల్గా ఆయుధాలతో నిండి ఉన్న ఓ ప్రదేశాన్ని కనుగొంటాడు. అనంతరం బైక్ నడుపుతూ, శతృవుల్ని ఛేజ్ చేస్తూ ఓ యాక్షన్ సీక్వెన్స్లో మెరిశాడు. చూస్తుంటే.. ‘జేమ్స్ బాండ్’ తరహాలో ఓ సీక్రెట్ ఆపరేషన్ చుట్టూ ఈ సినిమా కథ అల్లుకుని ఉండనున్నట్టు తెలుస్తోంది. ఈ టీజర్లో నిఖిల్ మునుపెన్నడూ లేని విధంగా స్లిక్, స్టైలిష్, డాషింగ్గా కనిపిస్తున్నాడు. ఈ సినిమాను తెలుగు, హిందీ, తమిళం, మలయాళం, కన్నడ భాషల్లో రిలీజ్ చేయనున్నారు. ఈ సినిమాతో రీఎంట్రీ ఇవ్వనున్న ఆర్యన్ రాజేష్.. ఇందులో ఓ కీలక పాత్రలో నటిస్తున్నాడు.
ఐశ్వర్య మీనన్ కథానాయికగా.. సాన్యా ఠాకూర్ కీలక పాత్రలో నటిస్తున్న ఈ సినిమాను అత్యున్నత సాంకేతిక ప్రమాణాలతో భారీ బడ్జెట్తో రూపొందిస్తున్నారు. బాలీవుడ్ ప్రముఖ సినిమాటోగ్రాఫర్ కైకో నకహరా, హాలీవుడ్ డిఓపి జూలియన్ అమరు ఎస్ట్రాడా కెమెరా డిపార్ట్మెంట్ను చూసుకుంటుండగా.. హాలీవుడ్ స్టంట్ డైరెక్టర్ లీ విటేకర్, రాబర్ట్ లీనెన్ యాక్షన్ సన్నివేశాలను పర్యవేక్షిస్తున్నారు.