‘మీ మగ బుద్ధే వంకరబుద్ధి’.. అదే ఆడవారిని అంటే ఊరుకుంటారా..?
- Follow Us :
-
-
Add as a preferred
source on google
అల్లు అర్జున్- సుకుమార్ కాంబినేషన్ లో వస్తున్న ‘పుష్ప’ చిత్రంపై ప్రేక్షకులు భారీ అంచనాలు పెట్టుకున్నారు. పాన్ ఇండియా మూవీగా తెరకెక్కుతున్న ఈ చిత్రం డిసెంబర్ 17న విడుదల కానుంది. ఈ నేపథ్యంలోనే ప్రమోషన్ల జోరును పెంచేశారు. ప్రమోషన్లో భాగంగానే ఈ సినిమా నుంచి మరో సాంగ్ ని రిలీజ్ చేశారు. స్టార్ హీరోయిన్ సమంత ఈ సినిమాలో ఒక ఐటెంసాంగ్ చేస్తున్న సంగతి తెలిసిందే.. ఊ అంటావా మావా .. ఊఊ అంటావా మావా అంటూ సాగే ఈ పాటను తాజాగా మేకర్స్ రిలీజ్ చేశారు. సాంగ్ లో సమంత డాన్స్ చూపించకపోయినా ఆ ఎక్స్ ప్రెషన్స్ అల్టిమేట్ అని చెప్పాలి.
ఇకపోతే ఈ సాంగ్ పై కొందరు ఆగ్రహం వ్యక్తం చేస్తున్నారు.. మగవారి బుద్ధి వంకర బుద్ధి అన్నట్లు.. మగవారందరు చీకటి పడ్డాకా అలాగే ఉంటారని అర్ధం వచ్చేలా ఈ సాంగ్ లిరిక్స్ ఉండడంపై అభ్యంతరం వ్యక్తం చేస్తున్నారు.. ఆడవారు ఎలాగున్నా మగవారు వదిలిపెట్టడం లేదని, వారి బుద్ధే వంకర బుద్ధి అని తెలుపుతూ ఉన్న ఈ లిరిక్స్ ని చంద్రబోస్ రాయగా.. ఆయనని కూడా నెటిజన్స్ ట్రోల్స్ చేస్తున్నారు. ఇలా ఆడవారి మీద లిరిక్స్ రాయగలరా ..? అలా రాస్తే ఫెమినిజం పేరుతో తిట్టడానికి వచ్చేస్తారు.. కానీ, మగవారు ఏమి చేయలేరని, వారిని ఏమన్నా పడతారని అనుకుంటున్నారు.. ఈ లిరిక్స్ అన్ని మగవారిని కించపరిచేలా ఉన్నాయంటూ నెటిజన్స్ ఆగ్రహం వ్యక్తం చేస్తున్నారు. మరి ఈ సాంగ్ పై పుష్ప మేకర్స్ ఎలాంటి వివరాన్ ఇస్తారో చూడాలి.