దిగ్గజ ఓటిటికి ‘మహా సముద్రం’ రైట్స్

శర్వానంద్, సిద్ధార్థ్, అను ఇమ్మాన్యుయేల్, అదితి రావు హైదరి ప్రధాన పాత్రల్లో తెరకెక్కుతున్న చిత్రం ‘మహా సముద్రం’. బహుముఖ నటుడు జగపతి బాబు, కెజిఎఫ్ రామచంద్ర రాజు, రావు రమేష్ కీలక పాత్రల్లో నటించారు. తెలుగు, తమిళంలో రూపొందిన ఈ ద్విభాషా చిత్రాన్ని ‘ఆర్ఎక్స్ 100’ ఫేమ్ అజయ్ భూపతి తెరకెక్కిస్తున్నారు. ఈ యాక్షన్ అండ్ రొమాంటిక్ డ్రామా డిజిటల్ స్ట్రీమింగ్ హక్కులను నెట్‌ఫ్లిక్స్ భారీ ధరకు కొనుగోలు చేసింది. ‘మహా సముద్రం’ థియేటర్‌లో విడుదలైన రెండు వారాల తర్వాత నెట్‌ఫ్లిక్స్‌లో ప్రసారం చేయడానికి అందుబాటులోకి వస్తుంది.

Read Also : సాంగ్ : ‘శ్రీవల్లి’పై ‘పుష్ప’రాజ్ మెలోడియస్ ఫీలింగ్స్

ఏకే ఎంటర్‌టైన్‌మెంట్స్ పతాకంపై అనిల్ సుంకర నిర్మించిన ‘మహా సముద్రం’ సినిమాకి చైతన్ భరద్వాజ్ సంగీతం అందించారు. రాజ్ తోట సినిమాటోగ్రాఫర్ కాగా, ప్రవీణ్ ఈ చిత్రానికి ఎడిటర్. అక్టోబర్ 14న దసరా కానుకగా ‘మహా సముద్రం’ థియేటర్లలో ప్రేక్షకులను పలకరించడానికి సిద్ధంగా ఉంది. ఇక ఇప్పటికే ఈ చిత్రం నుంచి విడుదలైన టీజర్, ట్రైలర్ లకు మంచి స్పందన వచ్చింది. ట్రైలర్ సినిమాపై అంచనాలను పెంచేసింది. దాదాపు ఎనిమిదేళ్ల తరువాత తెలుగులోకి రీఎంట్రీ ఇస్తున్న సిద్ధార్థ్ తో పాటు చిత్రబృందం సినిమా విజయవంతం అవుతుందని నమ్మకంతో ఉన్నారు.