ఐకానిక్ ఇండియా అందాల పోటీ 2022 టైటిల్ విజేతగా నట్టి కరుణ నిలిచారు. దేశ రాజధాని ఢిల్లీలో జాతీయ స్థాయిలో జరిగిన ఈ అందాల పోటీలో వివిధ రాష్ట్రాలకు చెందిన పలువురు అందాల భామలు పాల్గొన్నారు. ఈ పోటీలో ఈ ఏడాది విన్నర్ గా నట్టి కరుణ పోటీపడి, విజయం సాధించారు. ప్రముఖ నిర్మాత, దర్శకుడు, డిస్ట్రిబ్యూటర్, ఎగ్జిబిటర్ నట్టి కుమార్ కుమార్తె అయిన నట్టి కరుణ తమ సొంత బ్యానర్ లో నిర్మాతగా కొన్ని చిత్రాలను నిర్మించిన సంగతి తెలిసిందే. అలానే ఇటీవల తొలి ప్రయత్నంగా హీరోయిన్ ఓరియెంటెడ్ పాత్రలో నటించిన ‘డి ఎస్ జె’ (దయ్యంతో సహజీవనం) చిత్రం కొద్ది రోజుల క్రితం విడుదలైంది. ఈ నేపథ్యంలో నటిగా మరింత పేరుతెచ్చుకోవాలన్న సంకల్పంతో ముందుకు సాగుతున్న కరుణ ఐకానిక్ ఇండియా అందాల పోటీ 2022 టైటిల్ గెలుచుకోవడంతో ఆమెకు మరింత క్రేజ్ లభిస్తోంది.
బుధవారం నట్టి కరుణ మీడియాతో ముచ్చటిస్తూ, ”వివిధ రాష్ట్రాల నుంచి వచ్చిన వాళ్ళతో పోటీపడి, ఈ టైటిల్ ను గెలుచుకోవడం ఎంతో ఆనందంగా, థ్రిల్లింగ్ గా ఉంది. త్వరలో గోవాలో, కేరళలో జరగబోయే అందాల పోటీలలో కూడా పాల్గొనబోతున్నాను. సినిమాల విషయానికి వస్తే, ఓ రీమేక్ చిత్రంలో నటించబోతున్నాను. ఇందులో హీరోయిన్ పాత్రకు మంచి ప్రాధాన్యం ఉండటంతో పాటు నటించడానికి అవకాశం చక్కటి పాత్ర లభించింది. అలానే తమిళంలో ఓ చిత్రంలో నటించమని ఆఫర్ వచ్చింది, అయితే ఆ సినిమాకు సంబందించిన చర్చలు జరుగుతున్నాయి” అని అన్నారు.
ఓపక్క కరుణ తండ్రి నట్టి కుమార్ దర్శక నిర్మాత రామ్ గోపాల్ వర్మ తో న్యాయపరమైన పోరాటం చేస్తున్నారు. ఈ నేపథ్యంలోనే కరుణ, ఆమె సోదరుడు క్రాంతి తన సంతకాలను ఫోర్జరీ చేశారంటూ వర్మ పోలీస్ స్టేషన్ లో కంప్లయింట్ ఇచ్చారు. ఇది ఇలా సాగుతుండగానే కరుణ్ అందాల పోటీల్లో పాల్గొని విజేతగా నిలవడం విశేషం.