ప్రస్తుతం సోషల్ మీడియాను షేక్ చేస్తున్న నాని హీరోగా నటిస్తున్న ది పారడైజ్ లోని ‘ఆయా షేర్’** పాట చూస్తుంటే సినిమా అంటే కేవలం రంగుల ప్రపంచం మాత్రమే కాదు, ఆ రంగుల వెనుక వేలాది మంది కార్మికుల చెమట, కళా దర్శకుల సృజనాత్మకత ఉంటుందనేది అక్షరాలా నిజమనిపిస్తుంది. ఈ ఒక్క పాట కోసం చిత్ర యూనిట్ సృష్టించిన లోకం ఇప్పుడు చిత్ర పరిశ్రమలో హాట్ టాపిక్ అయింది. ఈ పాటలో హీరోను ‘మురికివాడల చక్రవర్తి’గా చూపించడానికి మేకర్స్ ఏకంగా 2.5 ఎకరాల్లో ఒక భారీ సామ్రాజ్యాన్నే నిర్మించారు. ముఖ్యంగా ‘హీరో హౌస్’ (కమాన్ సెట్) ఈ పాటకే హైలైట్, 60 అడుగుల వెడల్పు, 45 అడుగుల ఎత్తుతో నిర్మించిన ఈ కట్టడం చూస్తుంటే ఒక ప్యాలెస్ను తలపిస్తుంది. 25 మంది కార్మికులు రాత్రింబవళ్లు దాదాపు 20 రోజుల పాటు శ్రమించి ఈ భారీ సెట్ను సిద్ధం చేశారు. ఇది సహజంగా కనిపించడం కోసం వాడిన ‘ఏజింగ్ టెక్నిక్స్’ ఆర్ట్ డిపార్ట్మెంట్ ప్రతిభకు అద్దం పడుతున్నాయి.
Also Read:Tollywood: ఆ నిర్మాతలకు కొత్త షాక్?
సాధారణంగా సినిమాల్లో ఇళ్లలా కనిపించే డమ్మీ కట్టడాలను వాడుతుంటారు. కానీ, ‘ది ప్యారడైజ్’ టీమ్ మాత్రం ఏకంగా 60 ఇళ్లతో ఒక గ్రామాన్నే సృష్టించింది, 600 మంది ఒకేసారి ఉండగలిగేలా తీర్చిదిద్దిన ఈ సెట్ కోసం 100 ట్యాంకర్ల నీటిని వాడటం విశేషం, 2.5 ఎకరాల విస్తీర్ణంలో 30 రోజుల పాటు 50 మంది పనివారు పడ్డ కష్టం ఈ పాటలోని ప్రతి ఫ్రేమ్లో కనిపిస్తుంది. కాపర్ ఫినిష్ బిర్యానీ బౌల్ ని 10 అడుగుల వెడల్పుతో పాతకాలపు రాగి పాత్రలా కనిపించేలా దీనిని ఐదు రోజుల్లోనే అద్భుతంగా తీర్చిదిద్దారు. మురికివాడలోని సహజత్వాన్ని తీసుకురావడానికి 120 అడుగుల పొడవుతో ఒక భారీ డంప్ యార్డ్ను రీ-క్రియేట్ చేశారు. 30 అడుగుల ఎత్తులో ఉన్న ఈ సెట్ కోసం నెల రోజుల పాటు 25 మంది టీమ్ పనిచేశారు. “ప్రకృతికి ఎటువంటి హాని కలగకుండా, ఉన్న పరిసరాల్లోనే సహజ సిద్ధమైన రంగులు, అల్లికలతో ఈ సెట్లను నిర్మించడం మా ఆర్ట్ డిపార్ట్మెంట్ సాధించిన గొప్ప విజయం.” అని చిత్ర యూనిట్ చెబుతోంది.
