Nani Green singal to Venu yeldandi’s Periodic Love Story: తెలుగులో విలక్షణ పాత్రలు చేసే అతి కొద్ది మంది హీరోలలో న్యాచురల్ స్టార్ నాని కూడా ఒకరు. హీరోగా తనకు తాను నిలదొక్కుకున్నాను అనే భావించినప్పటి నుంచి నాని ఎక్కువగా విలక్షణమైన పాత్రలు చేయడానికి ఆసక్తికరమైన కథలు చెప్పడానికి ప్రయత్నిస్తున్నారు. ఆయన తాజా సినిమాలన్నీ అదే విషయాన్ని తేటతెల్లం చేశాయి. ప్రస్తుతానికి నాని వివేక్ ఆత్రేయ దర్శకత్వంలో సరిపోదా శనివారం అనే సినిమా చేస్తున్నాడు. డివివి ఎంటర్టైన్మెంట్స్ బ్యానర్ మీద డివివి దానయ్య నిర్మిస్తున్న ఈ సినిమాకు సంబంధించిన తెలుగు రాష్ట్రాల హక్కులు కూడా ఈ మధ్యనే తాము కొనుగోలు చేసినట్లు దిల్ రాజుకు చెందిన శ్రీ వెంకటేశ్వర క్రియేషన్స్ డిస్ట్రిబ్యూషన్ సంస్థ ప్రకటించింది.
Padma Awards 2024: నేడే పద్మ అవార్డుల ప్రకటన.. మెగాస్టార్ చిరంజీవికి పద్మవిభూషణ్?
ప్రస్తుతానికి ఈ సినిమాకి సంబంధించిన యాక్షన్ ఎపిసోడ్ షూటింగ్ జరుగుతోంది. అయితే నాని తర్వాత ఎలాంటి సినిమాలు చేయబోతున్నాడు అనే విషయం మీద తాజాగా ఒక అప్డేట్ వెలుగులోకి వచ్చింది. ఒకప్పుడు కమెడియన్ గా అనేక సినిమాల్లో కనిపించి బలగం అనే సినిమాతో దర్శకుడిగా మారారు వేణు ఎల్దండి. ఆయన నానికి రీసెంట్ గా ఒక కథ చెప్పాడని ఆ కథ విని నాని చాలా ఇంప్రెస్ అయ్యి సినిమా చేస్తున్నట్టు గ్రీన్ సిగ్నల్ ఇచ్చాడని తెలుస్తోంది. ఇది తెలంగాణ ప్రాంతంలో జరిగే ఒక పీరియాడిక్ లవ్ స్టోరీ అని అంటున్నారు. త్వరలోనే ప్రీ ప్రొడక్షన్ పనులు మొదలైన తర్వాత ఒక అఫీషియల్ అనౌన్స్మెంట్ కూడా చేస్తారని టాక్ వినిపిస్తోంది. ఈ సినిమాని దిల్ రాజుకు చెందిన శ్రీ వెంకటేశ్వర క్రియేషన్స్ సంస్థ నిర్మించబోతుందని చెబుతున్నారు. ప్రస్తుతానికి హీరోయిన్ ఎవరైతే బాగుంటారు అని వెతికే పనిలో సినిమా టీం ఉందని హీరోయిన్ కూడా ఫైనల్ అయిన తర్వాత ప్రీ ప్రొడక్షన్ పనులు మొదలుపెట్టి అధికారిక ప్రకటన చేయిస్తారని అంటున్నారు.
