Naga Babu: 5 అడుగుల మూడు అంగుళాల హీరో గురించి మాట్లాడడం తప్పే.. క్షమించండి
Naga Babu: మెగా బ్రదర్ నాగబాబుకు వివాదాలు కొత్తేమి కాదు. ఎన్నోసార్లు.. ఎంతోమంది సెలబ్రిటీల గురించి నోరుజారి మాట్లాడి తరువాత క్షమాపణలు కోరాడు. ఈ మధ్య మరోసారి ఇలానే నోరుజారి చిక్కుల్లో పడ్డాడు. ఇటీవల నాగబాబు.. తన కొడుకు వరుణ్ తేజ్ నటించిన ఆపరేషన్ వాలెంటైన్ చిత్ర ప్రీ రిలీజ్ ఈవెంట్ కు గెస్ట్ గా విచ్చేసిన విషయం తెల్సిందే. ఇక ఆ వేదికపై నాగబాబు.. తన కొడుకును పొగుడుతూ.. పోలిస్ క్యారెక్టర్ 6 అడుగుల మూడు అంగుళాలు ఉండే వ్యక్తులు చేస్తే బాగుంటుంది 5 అడుగుల మూడు అంగుళాలు వ్యక్తులు చేస్తే నొప్పదు.. నా కొడుకు ఆరడుగులు ఉండడం వాడికి అదృష్టంగా కలిసి వచ్చింది అని చెప్పుకొచ్చాడు. ఇక ఈ వ్యాఖ్యలు ఎంతో దుమారాన్ని రేపాయి. కొంతమంది ఈ వ్యాఖ్యలు.. ఒక హీరో గురించే మాట్లాడినట్లు వక్రీకరించడంతో.. ఆ మాటలు సోషల్ మీడియాను షేక్ చేశాయి. ఇక తండ్రి మాటలపై వరుణ్ కూడా స్పందించాడు. అవి ఎవరిని ఉద్దేశించినవి కావని, ఏదో ఫ్లోలో నాగబాబు అన్నట్లు చెప్పుకొచ్చాడు.
ఇక తాజాగా నాగబాబు సైతం ఈ వ్యాఖ్యలు ఎవరిని ఉద్దేశించి అన్నవి కావని, ఒకవేళ ఆ వ్యాఖ్యల వలన ఎవరి మనోభావాలు అయినా దెబ్బతింటే క్షమించండి అంటూ ట్విట్టర్ ద్వారా పోస్ట్ పెట్టాడు. ” ఇటీవల జరిగిన వరుణ్ బాబు ‘ఆపరేషన్ వాలెంటైన్’ ప్రీ రిలిజ్ ఈవెంట్ లో నేను పోలిస్ క్యారెక్టర్ 6 అడుగుల మూడు అంగుళాలు ఉండే వ్యక్తులు చేస్తే బాగుంటుంది 5 అడుగుల మూడు అంగుళాలు వ్యక్తులు చేస్తే నొప్పదు అన్నట్టు మాట్లాడాను,ఆ మాటలు నేను వెనక్కి తీస్కుంటున్నాను,ఎవరైన ఆ మాటలకి నొచ్చుకునుంటే I’m Really Very sorry,అది యాదృచ్ఛికంగా వచ్చిందే కాని Wanted గా అన్న మాటలు కాదు,అందరు అర్ధం చేసుకుని క్షమిస్తారని ఆశిస్తున్నాను.. మీ నాగబాబు” అంటూ రాసుకొచ్చాడు. ప్రస్తుతం ఈ పోస్ట్ నెట్టింట వైరల్ గా మారాయి.
ఇటీవల జరిగిన వరుణ్ బాబు 'ఆపరేషన్ వాలెంటైన్' ప్రీ రిలిజ్ ఈవెంట్ లో నేను పోలిస్ క్యారెక్టర్ 6 అడుగుల మూడు అంగుళాలు ఉండే వ్యక్తులు చేస్తే బాగుంటుంది 5 అడుగుల మూడు అంగుళాలు వ్యక్తులు చేస్తే నొప్పదు అన్నట్టు మాట్లాడాను,ఆ మాటలు నేను వెనక్కి తీస్కుంటున్నాను,ఎవరైన ఆ మాటలకి… pic.twitter.com/Ppr44YcqI8
— Naga Babu Konidela (@NagaBabuOffl) February 29, 2024