మెగాస్టార్ చిరంజీవి ‘వాల్తేరు వీరయ్య’ సినిమాతో మంచి ఫామ్ లోకి వచ్చాడు. వింటేజ్ మాస్ అంటే ఎలా ఉంటుందో చూపించిన చిరు నటిస్తున్న నెక్స్ట్ సినిమా ‘భోళా శంకర్’. మెహర్ రమేష్ డైరెక్ట్ చేస్తున్న ఈ మూవీ నుంచి భోళాశంకరుడి శివ తాండవం అంటూ ఒక మోషన్ పోస్టర్ ని రిలీజ్ చేశారు. మహా శివరాత్రి పండగ సంధర్భంగా బయటకి వచ్చిన ఈ మోషన్ పోస్టర్ లో చిరు ‘డమరుఖం’ పట్టుకోని స్టైలిష్ గెటప్ లో ఉన్నాడు. చిరు ముందు కన్నా యంగ్ గా, ఫిట్ గా కనిపిస్తున్న భోలా శంకర్ మోషన్ పోస్టర్ ని చూసి మెగా అభిమానులు ఫిదా అవుతున్నారు. ఇటివలే షూట్ చేసిన కలకత్తా సెట్స్ నుంచి ఈ పోస్టర్ బయటకి వదిలినట్లు ఉన్నాడు.
హైదరాబాద్ లో కలకత్తా సెట్ వేసి, చిత్ర యూనిట్ ఒక సాంగ్ ని షూట్ చేశారు. కీర్తి సురేష్ కూడా పాల్గొన్న ఈ సాంగ్ సెట్ ని చూసి దర్శకేంద్రుడు రాఘవేంద్ర రావు ‘చూడాలని ఉంది’ సినిమా గుర్తొచ్చింది అన్నాడు అంటే ఆర్ట్ వర్క్ ఎంత బాగా చేశారో అర్ధం చేసుకోవచ్చు. భోలా శంకర్ మోషన్ పోస్టర్ లో చిరు లుక్ బాగుండడం ఒకెత్తు అయితే మణిశర్మ కొడుకు మహతి స్వర సాగర్ కొట్టిన బ్యాక్ గ్రౌండ్ స్కోర్ ఇంకో ఎత్తు. చిరు, మణిశర్మల కాంబినేషన్ అంటే ఇండస్ట్రీ హిట్ సాంగ్స్ గుర్తొస్తాయి, ఇప్పుడు చిరుతో మణిశర్మ కొడుకు జత కలిశాడు. మోషన్ పోస్టర్ చూస్తుంటే మణిశర్మ మ్యాజిక్, మహతి స్వర సాగర్ కూడా క్రియేట్ చేసినట్లే ఉన్నాడు. మరి ఈ మూవీతో మెగాస్టార్ చిరంజీవి మరో హిట్ అందుకుంటాడేమో చూడాలి. తమిళ్ లో అజిత్ నటించిన ‘వేదాలం’ సినిమాకి ‘భోళా శంకర్’ రీమేక్ గా తెరకెక్కుతుంది.
భోళాశంకరుడి శివ తాండవం 🤘
అందరికి మహా శివరాత్రి శుభాకాంక్షలు 🙏🏻Watch #StreakofShankar from #BholaaShankar ❤️🔥
– https://t.co/5qUTcQUpsHA #MahathiSwaraSagar Music🔥
Mega🌟@KChiruTweets @MeherRamesh @AnilSunkara1 @tamannaahspeaks @KeerthyOfficial @BholaaShankar @adityamusic pic.twitter.com/u3PUvFfAbM
— AK Entertainments (@AKentsOfficial) February 18, 2023
