MEGA 157 : చిరు అనిల్ టైటిల్ గ్లిమ్స్ రిలీజ్ ఈవెంట్ ఎక్కడంటే?

అనిల్ రావిపూడి డైరెక్షన్‌లో మెగాస్టార్ చిరంజీవి హీరోగా ఓ సినిమా రూపొందుతున్న సంగతి తెలిసిందే. లేడి సూపర్ స్టార్ నయనతార హీరోయిన్ గా నటిస్తోంది. సంక్రాంతికి వస్తున్నాం తర్వాత అనిల్ రావిపూడి సినిమా కావడంతో సినిమాపై భారీ అంచనాలు ఉన్నాయి. ఈ సినిమాను భారీ చిత్రాల నిర్మాణ సంస్థ షైన్ స్క్రీన్స్ బ్యానర్ పై సాహు గారపాటి  మరియు గోల్డ్ బాక్స్ ఎంటర్టైన్మెంట్స్ పై సాహు గారపాటి, సుష్మిత కొణిదెల సంయుక్తంగా నిర్మిస్తున్నారు.

Also Read : MLA VS FANS : NTR ఫ్యాన్స్ మెంబర్ ధనుంజయ నాయుడుకు ఎమ్మెల్యే దగ్గుబాటి వర్గీయుల బెదిరింపు కాల్స్

కాగా ఈ శుక్రవారం మెగాస్టార్ బర్త్ డే కానుకగా ఈ సినిమా టైటిల్ ను రిలీజ్ చేయనున్నారు. ఇందుకోసం భారీ ఈవెంట్ ప్లాన్ చేసింది యూనిట్. హైదరాబాద్ లోని ప్రసాద్ ఐమాక్స్ బిగ్ స్క్రీన్ లో ఉదయం 10 గంటలకు భారీ ఈవెంట్ నిర్వహించనున్నారు. అలాగే రేపు ఉదయం 11.25 గంటలకు మెగా 157 టైటిల్ గ్లిమ్స్ ను కూడా రిలీజ్ చేస్తున్నారు మేకర్స్. ఈ సినిమామాకు ‘మన శివ శంకర వరప్రసాద్ గారు’ టైటిల్ తో ‘ఈ పండక్కి వస్తున్నారు’ ట్యాగ్ లైన్ ను ఫిక్స్ చేసారు. ఈ చిత్రంలో డ్రిల్ మాస్టర్ గా కనిపిస్తున్న మెగా స్టార్ చిరు తన వింటేజ్ కామెడీ టైమింగ్ తో అదరగొట్టబోతున్నాడని సమాచారం. ఈ సినిమాతో వింటేజ్ చిరు మరోసారి ప్రేక్షకులను అలరిస్తాడని మెగా ఫ్యాన్స్ భావిస్తున్నారు. మాస్ మ్యూజిక్ స్పెషలిస్ట్ భీమ్స్ సిసిరోలియో సంగీతం అందిస్తున్న చిరు అనిల్ సినిమాను 2026 సంక్రాంతి కానుకగా రిలీజ్ చేస్తామని ఇదివరకే ప్రకటించారు మేకర్స్. భారీ అంచనాల మధ్య వస్తున్న చిరు – అనిల్ కాంబో ఎంతటి సంచలనం సృష్టిస్తుందో చూడాలి.