Ginna: ఎట్టకేలకు ఓటిటీ డేట్ ఫిక్స్ చేసుకున్న జిన్నా.. ట్రోలర్స్ కు పండగే

Ginna: మంచు ఫ్యామిలీ అంటే ట్రోలింగ్ కు కేరాఫ్ అడ్రెస్స్. అదేం విచిత్రమో వారు ఏం చేసినా నెటిజన్లు ట్రోల్ చేస్తూనే ఉంటారు. ఇక ఆ విషయం పక్కన పెడితే ఇటీవల మంచు విష్ణు నటించిన చిత్రం జిన్నా. ఇషాన్ సూర్య దర్శకత్వం వహించిన ఈ చిత్రాన్ని మోహన్ బాబు తో కలిసి కోన వెంకట్ నిర్మించాడు. ఇక ఈ చిత్రంలో విష్ణు సరసన హాట్ భామలు సన్నీ లియోన్, పాయల్ రాజపుత్ నటించి మెప్పించారు. ఈ సినిమా ప్రీ రిలీజ్ ఈవెంట్ లోనే ఒక మహిళ జంబలకిడి జారు మిఠాయ పాట పాడి ఒక్కసారిగా ఫేమస్ అయిపోయింది. ఇక ఈ సినిమా అక్టోబర్ 21 న రిలీజ్ అయ్యి భారీ పరాజయాన్ని చవిచూసింది. సినిమా బావుంది అన్నా కూడా కొన్ని ట్రోల్స్ వలన ఆడలేకపయింది అనేది కొందరి మాట.

సరే థియేటర్ లో పోతే పోయింది ఓటిటీలోనైనా చూద్దాం అనుకునేవారికి ఇప్పటివరకు నిరాశే మిగిలింది. అసలు ఈ సినిమాను ఏ ఓటిటీ కొన్నది.. ఎప్పుడు స్ట్రీమ్ చేస్తోంది అనేది మేకర్స్ చెప్పకపోవడంతో ఈ సినిమా ఓటిటీలోకి వచ్చే అవకాశం లేదేమోఅని అనుకున్నారు. కానీ, ఎట్టకేలకు ఈ సినిమా ఓటిటీ డేట్ ను మేకర్స్ ఫిక్స్ చేశారు. జిన్నా సినిమాను అమెజాన్ ప్రైమ్ కొనుగోలు చేసింది. డిసెంబర్ 2 అనగా రేపటి నుంచి జిన్నా అమెజాన్ ప్రైమ్ లో స్ట్రీమింగ్ కానుంది. ఈ విషయం తెలియడంతో ట్రోలర్స్ పండుగ చేసుకుంటున్నారు. ఇంకొన్నిరోజులు ఈ సినిమాను ట్రోల్ చేస్తూ సోషల్ మీడియా ట్రెండ్ సృష్టిస్తారు అని నెటిజన్లు చెప్పుకొస్తున్నారు. మరి థియేటర్ లో చప్పుడు చేయని మా ప్రెసిడెంట్ గారు ఓటిటీలోనైనా సౌండ్ చేస్తారేమో చూడాలి.

The endlessly entertaining movie is all set to entertain you on @PrimeVideoIN 🤩 from tomorrow.

Just a day to go and full-on entertainment #GINNA!#GinnaOnPrime In Telugu & Malayalam.@iVishnuManchu @SunnyLeone @starlingpayal @avaentofficial @24FramesFactory @saregamasouth pic.twitter.com/9Jn2rESSH0

— AVA Entertainment (@avaentofficial) December 1, 2022