KOK Trailer: ట్రైలర్ తోనే ఇంటెన్స్ గ్యాంగ్ స్టర్ డ్రామా చూపించారు

యంగ్ హీరోస్ స్టార్ హీరోస్ మల్టీలాంగ్వేజ్ సినిమాలు చేసి మార్కెట్ పెంచుకుంటూ పాన్ ఇండియా సినిమాలు చేస్తున్న సమయంలో కేరళ సూపర్ స్టార్ దుల్కర్ సల్మాన్ మాత్రం పాన్ ఇండియా లోని అన్ని భాషల్లో సినిమాలు చేస్తూ మార్కెట్ పెంచుకుంటున్నాడు. సీతా రామం సినిమాతో సాలిడ్ హిట్ కొట్టిన దుల్కర్ సల్మాన్ ప్రస్తుతం వెంకీ అట్లూరితో మరో తెలుగు సినిమా చేయడానికి రెడీ అవుతున్నాడు. ఈ మూవీ కన్నా ముందు మరో సినిమాతో దుల్కర్ తెలుగు మాత్రమే కాకుండా పాన్ ఇండియా ఆడియన్స్ ముందుకి రాబోతున్నాడు దుల్కర్ సల్మాన్. ‘కింగ్ ఆఫ్ కోటా’ అనే సినిమాని దుల్కర్ సల్మాన్ చాలా స్పెషల్ గా చేస్తున్నాడు. అభిలాష్ డైరెక్ట్ చేస్తున్న ఈ మూవీపై కేరళ ఫిలిం సర్క్యూట్ లో భారీ అంచనాలు ఉన్నాయి. గ్యాంగ్ స్టర్ డ్రామాగా రూపొందుతున్న ఈ సినిమా తెలుగు, తమిళ, హిందీ భాషల్లో కూడా రిలీజ్ కానుంది.

ఇందులో దుల్కర్ సల్మాన్ హెయిర్ పెంచి, రగ్గడ్ లుక్ లో కనిపించనున్నాడు. ఇప్పటికే రిలీజ్ చేసిన పోస్టర్స్ అండ్ టీజర్ KOK సినిమాపై భారీ హైప్ ని క్రియేట్ చేసాయి. ఆ అంచనాలని మరింత పెంచుతూ మేకర్స్ కింగ్ ఆఫ్ కోట ట్రైలర్ ని రిలీజ్ చేసారు. ఈ ట్రైలర్ ని దుల్కర్ చాలా మాస్ గా కనిపించాడు. ట్రైలర్ చూస్తుంటే గ్యాంగ్ స్టర్ గా మారిన ఒక ఫుట్ బాల్ ప్లేయర్ కథగా KOK కనిపిస్తోంది. గ్యాంగ్ స్టర్ డ్రామాలో మంచి ఫ్యామిలీ ఎమోషన్ కూడా మిక్స్ అయినట్లు ఉంది. జేక్స్ ఇచ్చిన బ్యాక్ గ్రౌండ్ స్కోర్ KOK ట్రైలర్ స్థాయిని పెంచింది. సినిమాటోగ్రఫీ కూడా బాగుంది, ఫ్రేమ్ టు ఫ్రేమ్ లార్జర్ దెన్ లైఫ్ ఇమేజ్ కనిపిస్తోంది. మొత్తానికి ఈ ట్రైలర్ సినిమా బిజినెస్ ని ఒక ప్లేట్ ఫార్మ్ రెడీ చేసి పెట్టింది. మరి ఆగస్టు 24న ఓనమ్ ఫెస్టివల్ సందర్భంగా KOK సినిమా ఎలాంటి రిజల్ట్ ని సొంతం చేసుకుంటుందో చూడాలి.

Waited long enough to show you all this film and now it's almost time. See you all in cinemas this Onam 2023 but before that..

Here is the #KOKTrailer – https://t.co/PEvJDs4Cqu#KingOfKotha @AishuL_ @actorshabeer @Prasanna_actor #AbhilashJoshiy @NimishRavi @JxBe @shaanrahman… pic.twitter.com/6RAe0ipgm4

— Dulquer Salmaan (@dulQuer) August 10, 2023