Mahesh Babu: సూర్య భాయ్ కి జేజేలు కొడుతున్నారు… ఈ బర్త్ డేని ఇలా కానిచ్చేయండి

ఆగస్టు 9 ఘట్టమనేని అభిమానులకి పండగ రోజు. సూపర్ స్టార్ మహేష్ బాబు బర్త్ డే కావడంతో ఈరోజు ఘట్టమనేని ఫ్యాన్స్ ఫుల్ జోష్ లో ఉంటారు. మహేష్ బాబు నటిస్తున్న సినిమాల నుంచి వచ్చే అప్డేట్స్, సెలబ్రిటీస్ మహేష్ కోసం చేసే ట్వీట్స్ ని రీట్వీట్స్ చేస్తూ అభిమానులు ఈరోజుని గ్రాండ్ గా సెలబ్రేట్ చేసుకుంటారు. ఇది ప్రతి ఏడాది ఆగస్టు 9న ఆనవాయితీగా జరుగుతూనే ఉంది. ఈసారి మాత్రం మహేష్ ఫాన్స్ కి గుంటూరు కారం సినిమా నుంచి వచ్చిన పోస్టర్ తప్ప మరో అప్డేట్ లేదు. సితార ఎంటర్టైన్మెంట్స్ రిలీజ్ చేసిన పోస్టర్ నే సోషల్ మీడియాలో వైరల్ చేస్తున్నారు ఫ్యాన్స్. రాజమౌళి సినిమా నుంచి అప్డేట్ లేదు, మహేశ్ ఇతర సినిమాలని కమిట్ అవ్వలేదు కాబట్టి ఎలాంటి అనౌన్స్మెంట్స్ లేవు. అయితే ఈ లోటుని భర్తీ చేస్తుంది బిజినెస్ మాన్ సినిమా.

పూరి జగన్నాధ్ డైరెక్ట్ చేసిన ఈ మూవీ రీరిలీజ్ అయ్యి ఫ్యాన్స్ కి కిక్ ఇస్తుంది. సూర్య భాయ్ ని చూడడానికి ఘట్టమనేని ఫ్యాన్స్ మాత్రమే కాదు ఇతర హీరోల అభిమానులు కూడా థియేటర్స్ కి వెళ్తున్నారు. టాలీవుడ్ చూసిన ఐకానిక్ క్యారెక్టర్స్ లో ఒకటి కాబట్టి సూర్య భాయ్ తెలుగు ఆడియన్స్ కి ఎప్పుడూ స్పెషల్ గానే ఉంటాడు. రీరిలీజ్ ట్రెండ్ లో కొత్త రికార్డులు క్రియేట్ చేస్తున్న బిజినెస్ మాన్ సినిమాని చూడడానికి థియేటర్స్ కి వెళ్ళిన ఫ్యాన్స్ చేస్తున్న హంగామా మాములుగా లేదు. సోషల్ మీడియా అంతా థియేటర్స్ క్లిప్స్ తో నిండిపోయి ఉంది. ఈ రేంజ్ సెలబ్రేషన్ బిజినెస్ మాన్ సినిమాకి ముందు నుంచీ ఊహించినది. ఈ సంవత్సరానికి బిజినిస్ మాన్ సినిమాతో ఇలా కానిచ్చేయ్యండి, వచ్చే ఏడాది SSMB 29 అప్డేట్ తో జక్కన్న పూనకాలు తెప్పిస్తాడు.