లక్ష్మీరాయ్ ప్రధాన పాత్రలో రూపొందుతున్న చిత్రం ‘జనతా బార్’. రమణ మొగిలి దీనికి దర్శకుడు. సన్ షైన్ ఆర్ట్స్ అశ్వర్థ నారాయణ సమర్పణలో రోచిశ్రీ మూవీస్ పతాకంపై నిర్మాణం జరుపుకుంటోంది. రెండు పాటలు మినహా షూటింగ్ను పూర్తిచేసుకున్న ఈ చిత్ర విశేషాలను దర్శకుడు రమణ మొగిలి తెలియజేస్తూ ”రాయ్లక్ష్మీ కెరీర్లోనే ఇదొక డిఫరెంట్ చిత్రం. ఆమె పాత్ర చిత్రానికి హైలైట్గా వుంటుంది. బాలీవుడ్ నటుడు శక్తికపూర్ ఈ చిత్రంలో కీలక పాత్ర పోషిస్తున్నారు” అని అన్నారు.
స్పోర్ట్స్ను కెరీర్గా ఎంచుకున్న మహిళలపై ఉన్నతాధికారులు తమ అధికారాన్ని అడ్డు పెట్టుకుని చేస్తున్న సెక్సువల్ హరాస్మెంట్కు చరమగీతం పాడటానికి పోరాడిన ఓ మహిళ కథ ఇదని రమణ తెలిపారు. కమర్షియల్ అంశాలతో రూపొందుతున్న ఈ సినిమా తప్పకుండా ఘనవిజయం సాధిస్తుందనే నమ్మకం వుందని ఈ చిత్రానికి కథ, మాటలు, స్క్రీన్ ప్లే అందిస్తున్న రాజేంద్ర భరద్వజ్ అన్నారు. ప్రదీప్ రావత్, సురేష్, అనూప్ సోని, అమన్ ప్రీత్, భూపాల్ రాజ్, విజయ్ భాస్కర్, ఉన్ని కృష్ణ, దీక్షాపంత్, అమీక్ష, మిర్చి మాధవి తదితరులు కీలక పాత్రలు పోషిస్తున్న ఈ చిత్రానికి వినోద్ యాజమాన్య సంగీతం అందిస్తున్నారు.