Kushi: ఓవర్సీస్ లో సూపర్బ్ కలెక్షన్స్… మూడు రోజుల్లోనే 1.6 మిలియన్ డాలర్స్
సెప్టెంబర్ 1న ఆడియెన్స్ ముందుకొచ్చిన ఖుషి మూవీ… మార్నింగ్ షో నుంచే పాజిటివ్ టాక్ సొంతం చేసుకుంది. అమలాపురం టు అమెరికా వరకు… ఖుషి మూవీ ఫ్యామిలీతో కలిసి చూసే పర్ఫెక్ట్ సినిమా అనే రివ్యూస్ అందుకుంది. శివ నిర్వాణ మార్క్ లవ్ స్టోరీతో వచ్చిన ఈ సినిమాను మైత్రీ మూవీ మేకర్స్ రిచ్ ప్రొడక్షన్ వేల్యూస్ తో ప్రొడ్యూస్ చేసారు. వరల్డ్ వైడ్గా 52 కోట్లకు పైగా థియేట్రికల్ బిజినెస్ జరుపుకున్న ఖుషి మూవీ… నాలుగు రోజుల్లో దాదాపు 80 కోట్ల గ్రాస్ ని రాబట్టింది. వర్షం ఎఫెక్ట్ కూడా లేకపోయి ఉంటే ఖుషి సినిమా కలెక్షన్స్ మరింత ఎక్కువగా ఉండేవి. తెలుగు రాష్ట్రాల కలెక్షన్స్ కి రైన్ ఎఫెక్ట్ కాస్త స్లో చేస్తుంది కానీ ఓవర్సీస్ లో మాత్రం ఖుషి కలెక్షన్స్ ఫుల్ స్వింగ్ లో ఉన్నాయి.
యూఎస్ బాక్సాఫీస్ దగ్గర 2023 టాలీవుడ్ బిగ్గెస్ట్ గ్రాసర్స్ లో ఒకటిగా ఖుషి సినిమా నిలిచేలా ఉంది. ఫస్ట్ వీకెండ్ కంప్లీట్ అయ్యే సరికి ఖుషి సినిమా 1.6 మిలియన్ డాలర్స్ ని రాబట్టి ఫుల్ జోష్ లో ఉంది. ఓవరాల్ గా ఫుల్ రన్ లో ఖుషి సినిమా 2.5 మిలియన్ డాలర్స్ ని రాబట్టే అవకాశం ఉంది. ఇదే జరిగితే లైగర్ లాంటి ఫ్లాప్ ఇచ్చిన తర్వాత కూడా విజయ్ దేవరకొండ మార్కెట్ దెబ్బ తినలేదు అనే విషయం అర్ధమవుతుంది. సమంత, శివ నిర్వాణల చివరి సినిమాలు డిజాస్టర్స్గా నిలిచాయి, అందుకే వాళ్లు కూడా ఖుషి సినిమాపై భారీ ఆశలు పెట్టున్నారు. హిట్ పడడంతో విజయ్ దేవరకొండ, సమంత, శివ నిర్వాణ ఫుల్ ఖుషీలో ఉన్నారు.