‘క్రిష్ 4’ అనౌన్స్ చేసిన దగ్గర నుండి ఇప్పటివరకు ఒక్క స్టెప్ ముందుకి పడలేదు. గతేడాది హృతిక్ రోషన్ దర్శకత్వ బాధ్యతలు చేపడుతున్నారు అని అనౌన్స్ చేశారు. ఇక చకా చకా సెట్స్ పైకి వెళ్తుందేమో అనుకున్నారు, కట్ చేస్తే ఇంకా మీనమేషాలు లెక్కిస్తోంది ఈ ప్రాజెక్ట్. హృతిక్ అండ్ ప్రొడ్యూసర్ మధ్య విభేదాలే అందుకు కారణమా? హృతిక్ అడిగినంత ఇచ్చుకునే స్థితిలో ప్రొడక్షన్ హౌస్ లేదా?
బాలీవుడ్ సూపర్ హీరో ఫ్రాంచైజీ ‘క్రిష్’ నుండి ఇప్పటివరకు త్రీ ఫిలిమ్స్ వచ్చాయి. ‘కోయి మిల్ గయా’ నుండి ‘క్రిష్ 3’ వరకు సూపర్ డూపర్ హిట్స్ గా నిలిచాయి. క్రిష్ 4 కోసం ఫ్యాన్స్ ఈగర్లీ వెయిటింగ్, కానీ రోజు రోజుకు మూవీ వెనక్కి వెళ్తోంది. గత ఏడాది క్రిష్ 4 దర్శకత్వ బాధ్యతలు హృతిక్ రోషన్ తీసుకోబోతున్నట్లు అనౌన్స్ చేశాడు ఆయన తండ్రి రాకేష్ రోషన్. ఇంకేముంది, సినిమా పట్టాలు ఎక్కేస్తోంది అనుకుంటే ఒక్క స్టెప్ కూడా ముందుకు పడలేదు.
హృతిక్ రోషన్, నిర్మాత ఆదిత్య చోప్రా మధ్య క్రియేటివ్ డిఫరెన్సెస్ వచ్చాయని, అందుకే ఈ ప్రాజెక్ట్ డిలే అవుతుందని రూమర్స్ ఊపందుకున్నాయి. ఈ సినిమాను భారీ విజువల్ వండర్ గా, ప్రపంచ స్థాయి యాక్షన్ ఎలివేషన్స్ తో తెరకెక్కించేందుకు హృతిక్ రోషన్ ప్లాన్ చేస్తున్నాడట. ఈ ప్రాజెక్ట్ కోసం 500 కోట్లు కేటాయించాలని హృతిక్ యష్రాజ్ ఫిలిమ్స్ ని కోరితే, 350 కోట్లు మాత్రమే ఇస్తానందట ప్రొడక్షన్ హౌస్. ఇద్దరికీ అండర్స్టాండింగ్ లేక క్రిష్ 4 హోల్డ్ అయిందన్న గాసిప్స్ పుట్టుకొచ్చాయి.
హృతిక్ పై వస్తున్న వార్తలపై ఎట్టకేలకు స్పందించాడు ఫాదర్ రాకేష్ రోషన్. అవన్నీ పచ్చి అబద్ధాలని తెలిచేసిన రాకేష్, క్రిష్ 4 పట్టాలెక్కేందుకు కాస్త టైం పడుతుందని చెప్పుకొచ్చాడు. ప్రొడ్యూసర్ గా హృతిక్ బిజీగా ఉండడం వల్లే ఈ ప్రాజెక్ట్ డిలే అవుతుందన్న రాకేష్ రోషన్, హీరో డేట్స్ కోసం వెయిట్ చేస్తున్నట్లు చెప్పుకొచ్చాడు. ఇప్పటికే స్క్రిప్ట్ లాక్ అయిన క్రిష్ 4, ఈ ఇయర్ ఎండింగ్ నుండి సెట్స్ పైకి వెళ్ళనుందని సమాచారం.