Kiara Advani : బాలీవుడ్ బడా ప్రాజెక్ట్ నుండి వైదొలిగిన కియారా..?
కింగ్ ఖాన్ షారుక్ ఖాన్ నటించిన 2006 లో వచ్చిన చిత్రం డాన్. ఫరాన్ అక్తర్ డైరెక్ట్ చేసిన ఈ సినిమా సంచలన విజయం సాధించింది. ఈ సూపర్ హిట్ సినిమాకు సీక్వెల్ గా 5 ఏళ్ల తర్వాత వచ్చిన సినిమా డాన్ 2. ఈ సినిమా బాలీవుడ్ బాక్సఫీస్ వద్ద బ్లక్ బస్టర్ విజయం సాధించింది. ఈ రెండు సిరిస్ లలో షారుక్ కు జోడిగా ప్రియాంక చోప్రా నటించింది.కాగా ఇప్పుడు ఈ సూపర్ హిట్ సిరీస్ కు సీక్వెల్ రెడీ అవుతోంది.
Also Read : NKR 21 : అర్జున్ సన్నాఫ్ వైజయంతి టీజర్ రిలీజ్ డేట్ ఫిక్స్
బాలీవుడ్లో తెరకెక్కబోతున్న బిగ్ ప్రాజెక్టుల్లో ఒకటి డాన్ 3. ఈ నయా వెంచర్లో షారూఖ్ ఖాన్ నటించడం లేదు. ఆ స్థానంలో మరొక యంగ్ హీరో రణవీర్ సింగ్ డాన్గా కనిపించబోతున్నాడు. అలాగే మొదటి రెండు సిరిస్ లో హీరోయిన్ గా నటించిన ప్రియాంక చోప్రా కూడా ఈ సీక్వెల్ లో చేయట్లేదు. ఆమె స్థానంలో మరో బ్యూటీ కియార అద్వానీని తీసుకున్నారు మేకర్స్. అయితే ఇప్పుడు ఈ భారీ బడ్జెట్ మూవీ నుండి కియారా అద్వానీ కూడా క్విట్ అయ్యిందని టాక్ బాలీవుడ్ సర్కిల్స్ లో వినిపిస్తుంది. అందుక్కారణం లేకపోలేదు. కొద్దీ రోజుల క్రితం కియారా ప్రెగ్నెంట్ అయినట్టు ప్రకటించింది. ఈ సమయంలో యాక్షన్ సినిమాలలో నటించి రిస్క్ చేయడం ఎందుకని ఆ కారణంగానే డాన్ 3 మూవీ నుండి తప్పుకున్నట్లు హిందీ చిత్రసీమలో ఇన్ సైడ్ టాక్. ఏడాది స్టార్టింగ్ లో గేమ్ ఛేంజర్తో భారీ డిజాస్టర్ తో పలకరించిన అమ్మడి చేతిలో ప్రస్తుతం టాక్సిక్, వార్ వంటి పాన్ ఇండియా చిత్రాలు ఉన్నాయి.