Keerthy Suresh: శ్రీదేవి తర్వాత అంత అందమైన హీరోయిన్ ఆమెనే…

అతిలోక సుందరిగా ఇండియన్ సినిమాని కమ్మిన ఒక మైకం పేరు శ్రీదేవి. మూడున్నర దశాబ్దాల పాటు సినీ అభిమానులని తన అందం మత్తులోనే ఉంచింది శ్రీదేవి. పోస్టర్ పైన ఆమె పేరు చూడగానే బండ్లు కట్టుకోని థియేటర్స్ కి వెళ్లిపోయిన ఆడియన్స్ కొన్ని కోట్ల మంది ఉంటారు. తెలుగు, తమిళ్, హిందీ… పాన్ ఇండియా భాషల్లో తనకంటూ స్పెషల్ ఫ్యాన్ బేస్ ని సొంతం చేసుకున్న పాన్ ఇండియా హీరోయిన్ శ్రీదేవి. సౌత్ నుంచి నార్త్ కి వెళ్లి అక్కడ జెండా పాతిన శ్రీదేవి, ఒక డెమి గాడెస్ స్టేటస్ ని అందుకోని, తిరుగులేని స్టార్ డమ్ ని ఎంజాయ్ చేసింది. శ్రీదేవి తర్వాత ఆ స్థాయి హీరోయిన్ ని ఇండియన్ సినిమా చూడలేదు కానీ శ్రీదేవి తర్వాత అంత అందమైన హీరోయిన్ కీర్తి సురేష్ అంట. ఈ మాట అనింది ఎవరో కాదు స్వయంగా బోణీ కపూర్. శ్రీదేవిని ప్రేమించి పెళ్లి చేసుకున్న బాలీవుడ్ ప్రొడ్యూసర్ బోణీ కపూర్, ఇటీవలే గ్రాండ్ గా జరిగిన ‘మామన్నన్’ ప్రీరిలీజ్ ఈవెంట్ కి గెస్టుగా వచ్చాడు.

మారీ సెల్వరాజ్ డైరెక్షన్ లో తెరకెక్కుతున్న ఈ సినిమాలో ఉదయనిధి స్టాలిన్ హీరోగా నటిస్తున్నాడు. ఈ నెలలోనే ఆడియన్స్ ముందుకి రానున్న మామన్నన్ సినిమాలో కీర్తి సురేష్ హీరోయిన్ గా నటించింది. ఈ ప్రీరిలీజ్ ఈవెంట్ లో బోణీ కపూర్, కీర్తి సురేష్ గురించి మాట్లాడుతూ ‘శ్రీదేవి తర్వాత నేను చూసిన అంత అందమైన హీరోయిన్ కీర్తి సురేష్’ అంటూ పొగిడేసాడు. శ్రీదేవి లాగే కీర్తి సురేష్ కి అందం, అభినయం రెండూ ఉన్నాయి. నేషనల్ అవార్డు కూడా గెలుచుకున్న కీర్తి సురేష్ ఫొటోస్ సోషల్ మీడియాలో వైరల్ అవుతున్నాయి. మామన్నన్ ప్రీరిలీజ్ ఈవెంట్ లో బ్లాక్ సారీలో ట్రెండీ అండ్ ట్రెడిషనల్ గా కనిపిస్తూ కీర్తి అందరినీ తన అందంతో కట్టి పడేసింది. సోషల్ మీడియాలో వైరల్ అవుతున్న ఫొటోస్ ని చూస్తే బోణీ కపూర్ చెప్పిన మాట నిజమనే అనిపించకమానదు.