రిషిత, ఫైజల్, షేక్ అల్లాబక్షు, ఖుషీ యాదవ్ ప్రధాన పాత్రల్లో నటించిన “కావేరి” ఆగస్టు 30న థియేటర్లలో రిలీజ్ అయింది . స్యాబ్ క్రియేషన్స్ బ్యానర్ పై షేక్ అల్లాబకషు నిర్మించిన ఈ చిత్రానికి రాజేష్ నెల్లూరు దర్శకత్వం వహించిన ఈ సినిమా విజయవంతంగా ప్రదర్శితమవుతోండడంతో హైదరాబాద్ లోని ఫిలిం ఛాంబర్ లో సక్సెస్ మీట్ నిర్వహించిన చిత్ర బృందం.. ప్రేక్షకులకు ధన్యవాదాలు తెలిపి, తమ సంతోషాన్ని పంచుకుంది. ఈ సందర్భంగా నిర్మాత షేక్ అల్లాబక్షు మాట్లాడుతూ ఇది మంచి ఎమోషనల్ అండ్ ఇన్స్పిరేషనల్ మూవీ, ఇటువంటి చిత్రం నిర్మించడం ఆనందంగా, గర్వంగా ఉంది.
సినిమా చూసిన ప్రతి ఒక్కరూ మంచి సినిమా చేశారని ప్రశంసిస్తున్నారు. మహిళలు ఏ విధంగా స్ట్రాంగ్ గా ఉండాలని చూపించిన విధానం బాగుందని కొనియాడుతున్నారని అన్నారు. ఇక డైరెక్టర్ రాజేష్ నెల్లూరు మాట్లాడుతూ తక్కువ బడ్జెట్ లో కూడా మంచి సినిమా చేయగలమని నిరూపించిన చిత్రమిది, క్రైమ్ థ్రిల్లర్ జానర్ లో రూపొందిన ఈ చిత్రం చూసిన ప్రతి ఒక్కరూ బాగుందని ప్రశంసిస్తున్నారు అన్నారు. హీరో ఫైజల్ మాట్లాడుతూ సినిమా చూసి థియేటర్ నుంచి ఎమోషనల్ గా బయటకు వచ్చామని నాకు ఎందరో మెసేజ్ లు చేశారు, అలాగే సినిమాలో మేము అనుకున్న థ్రిల్లింగ్ ఎలిమెంట్ బాగా వర్కౌట్ అయింది. అన్ని చోట్ల నుంచి వస్తున్న పాజిటివ్ ఫీడ్ బ్యాక్ చూసి సంతోషంగా ఉందని అన్నారు.