‘Katha Venuka Katha’: కొత్త కాన్సెప్ట్ చిత్రాలను అందిస్తూ, న్యూ టాలెంట్ను ఎంకరేజ్ చేయటానికి ప్రారంభమైన నిర్మాణ సంస్థ దండమూడి బాక్సాఫీస్. ఈ బ్యానర్పై రూపొందుతున్న తొలి చిత్రం ‘కథ వెనుక కథ’. విశ్వంత్ దుడ్డుంపూడి, శ్రీజిత గౌష్, శుభశ్రీ ప్రధాన పాత్రల్లో కృష్ణ చైతన్య దర్శకత్వంలో అవనింద్ర కుమార్ దీనిని నిర్మిస్తున్నారు. సస్పెన్స్ థ్రిల్లర్ జోనర్లో రూపొందిన ఈ సినిమాను ఇదే నెల 24న రిలీజ్ కాబోతోంది. ఇది వరకే రిలీజ్ చేసిన పోస్టర్స్, టీజర్, సాంగ్కు చాలా మంచి రెస్పాన్స్ వచ్చింది.
కథ గురించి దర్శకుడు కృష్ణ చైతన్య చెబుతూ, ”డైరెక్టర్ కావాలనుకునే విశ్వనాథ్ అనే యువకుడు ఓ కథను సిద్ధం చేసుకుంటాడు. సిటీలో అమ్మాయిలు కనిపించకపోవటంపై ఆ కథ సాగుతుంది. అయితే నిజంగానే సిటీలో అమ్మాయిలు కనిపించకుండా పోవటమే కాదు, హత్యకూ గురవుతుంటారు. ఈ కేసుని ఇన్వెస్టిగేట్ చేయటానికి ఓ పోలీస్ ఆఫీసర్ వస్తాడు. డైరెక్టర్ కావాలనుకునే యువకుడిని అనుమానంతో అరెస్ట్ చేస్తాడు. అసలు అమ్మాయిలు సిటీలో కనిపించకుండా పోవటానికి కారణం ఎవరు? ఆ క్రైమ్ వెనుకున్న ఉన్న గ్యాంగ్ ఏది? అనేదే ఈ చిత్ర సారాంశం” అని తెలిపారు. అలీ, సునీల్, జయప్రకాష్, బెనర్జీ, రఘుబాబు, ‘సత్యం’ రాజేష్, మధునందన్, భూపాల్, ‘ఛత్రపతి’ శేఖర్, ఖయ్యుం, ‘ఈ రోజుల్లో’ సాయి, రూప తదితరులు ఇందులో కీలక పాత్రలు పోషించారు.