Karthikeya-2: థియేట్రికల్ ట్రైలర్ కు రంగం సిద్థం!

Karthikeya-2:The stage is ready for the theatrical trailer!

ఎన‌ర్జిటిక్ యంగ్ హీరో నిఖిల్, డైరెక్టర్ చందు మొండేటి కాంబినేషన్ లో వస్తున్న ‘కార్తికేయ-2’పై అంచనాలు భారీగా ఉన్నాయి. ఇప్పటికే విడుదలైన ఫస్ట్ ట్రైలర్ కు చక్కని స్పందన వచ్చింది. క‌మ‌ర్షియ‌ల్ చిత్రాల‌తో పాటు విభిన్నమైన కథలతో సినిమాలు నిర్మిస్తున్న టి. జి. విశ్వ‌ప్ర‌సాద్, అభిషేక్ అగ‌ర్వాల్ ఈ చిత్రాన్ని ప్రొడ్యూస్ చేస్తున్నారు. ఆగస్ట్ 12న ‘కార్తికేయ-2’ మూవీ విడుదల కాబోతున్న నేపథ్యంలో 6వ తేదీ ఈ మూవీకి సంబంధించిన థియేట్రికల్ ట్రైలర్ ను రెడీ చేస్తోంది చిత్ర బృందం. కాలభైరవ అందించిన బ్యాగ్రౌండ్ స్కోర్ సినిమాకు అదనపు ఆకర్షణగా నిలుస్తుందని, కార్తీక్ ఘట్టమనేని సినిమాటోగ్రఫీ ఎక్స్ టార్డినరీగా ఉంటుందని దర్శక నిర్మాతలు చెబుతున్నారు. ఈ చిత్రంలో ముగ్ధ పాత్రలో అనుపమ పరమేశ్వరన్ నిఖిల్ కి జంట‌గా న‌టిస్తోంది. శ్రీకృషుడి సమయంలో సముద్ర గర్భంలో మునిగిపోయినా ద్వారకా నగర నేపథ్యంలో ‘కార్తికేయ -2’ చిత్రం రూపుదిద్దుకోవడం విశేషం. ఈ సినిమాను హిందీతో పాటు అన్ని దక్షిణాది భాషల్లోనూ ఒకేసారి విడుదల చేస్తున్నట్టు కో-ప్రొడ్యూసర్ వివేక్ కూచిబొట్ల తెలిపారు.