Kamal Haasan: ఫాన్స్ కి కమల్ షాక్.. నన్ను ఇకపై అలా పిలవకండి!
కమల్ హాసన్ తమిళ సినిమాకే కాదు ఇండియన్ సినిమాకి కూడా ఒక లెజెండ్. సినీ పరిశ్రమలో ఎన్నో ఎత్తులకు ఎదిగినా ఒదిగి ఉండే కమల్ హాసన్ ను లోక నాయకుడిగా అభిమానులు అందరూ పిలుచుకుంటూ ఉంటారు. అయితే తన అభిమానులకు షాక్ ఇస్తూ కమల్ హాసన్ ఇక నుంచి తనను కమల్ లేదా కేహెచ్ అని పిలిస్తే సరిపోతుందని ఓ ప్రకటన విడుదల చేశారు. ఆ ప్రకటనలో, “నాపై ప్రేమతో మీరు నన్ను ‘లోక నాయకుడు’తో సహా చాలా ఆప్యాయతతో కూడిన బిరుదులు ఇచ్చారు, అలానే పిలుస్తారు. తోటి కళాకారులు, అభిమానులు, ప్రజలు ఇచ్చే ప్రశంసలకు నేను సంతోషిస్తున్నాను. మీ ప్రేమకు నేను కదిలిపోయాను. మీ ప్రేమకు నేను ఎప్పటికీ కృతజ్ఞుడను. సినిమా కళ ఏ వ్యక్తి కంటే గొప్పది కాదు. నేను మరింత నేర్చుకుని కళలో అభివృద్ధి చెందాలనుకునే నిత్య విద్యార్థిని. సినిమా, ఇతర కళల్లాగే అందరికీ సంబంధించినది, ప్రతిభావంతులైన కళాకారులు, సాంకేతిక నిపుణులు, అభిమానుల కలయికతో సినిమా రూపొందింది.
Rashmika Mandanna: మంచి ఊపుమీదున్న రష్మిక
కళాకారుడు కంటే కళ గొప్పదని నా ప్రగాఢ విశ్వాసం. అందుకే చాలా ఆలోచించి నిర్ణయం తీసుకోవాల్సి వచ్చింది. పైన పేర్కొన్న అటువంటి బిరుదులను మరియు వర్ణనలను త్యజించడమే ముఖ్యం. అయితే వాటిని ఇచ్చిన వారికి ఎటువంటి అగౌరవం కలిగించకూడదు. కాబట్టి, నన్ను ప్రేమించే వారందరికీ నా విన్నపం. భవిష్యత్తులో, నన్ను కమల్ హాసన్, కమల్ లేదా కెహెచ్ అని పిలవాలని నా అభిమానులు, మీడియా మిత్రులు, సినీ పరిశ్రమకు చెందిన వారు, మక్కల్ నీతి మయ్యం పార్టీ కార్యకర్తలు, తోటి భారతీయులను అభ్యర్థిస్తున్నాను. ఇంతకాలం మీరు నాపై చూపుతున్న ప్రేమకు మరోసారి ధన్యవాదాలు. ఈ అభ్యర్థన తోటి సినిమాని ప్రేమించే మనందరిలో ఒకడిగా ఉండాలనే నా కోరిక నుండి ఉద్భవించిందని మీరు అర్థం చేసుకుంటారని ఆశిస్తున్నాను అంటూ ఆయన లేఖలో పేర్కొన్నారు.