Kalki 2898AD: సలార్ ను రేపు ఒక్కరోజు పక్కన పెట్టండి మావా.. కల్కి వస్తున్నాడు

Kalki 2898AD: సలార్.. సలార్ .. సలార్ అంటున్న ప్రభాస్ అభిమానులు.. ఇక కల్కి అనడం మొదలుపెట్టాల్సిన సమయం ఆసన్నమైంది. సలార్ తో రికార్డులు బద్దలుకొట్టిన ప్రభాస్ .. ఆ రికార్డులను తానే బ్రేక్ చేయడానికి కల్కితో సిద్దమయ్యాడు. సైన్స్ ఫిక్షన్‌ జోనర్‌లో తెరకెక్కుతున్న ఈ చిత్రాన్ని నాగ్ అశ్విన్ దర్శకత్వం వహిస్తుండగా వైజయంతీ మూవీ ప్రతిష్టాత్మకంగా నిర్మిస్తుంది. ఈ చిత్రంలో ప్రభాస్ సరసన దీపికా పదుకొనే నటిస్తుండగా.. అమిత బచ్చన్, దిశా పటానీ కీలక పాత్రల్లో నటిస్తున్నారు. ఇక విశ్వ నటుడు కమల్ హాసన్ విలన్ గా కనిపించబోతున్నాడు. ఇప్పటికే ఈ సినిమా నుంచి రిలీజ్ అయిన టైటిల్‌, గ్లింప్స్ వీడియో నెట్టింట వైరల్ గా మారాయి. ఎటువంటి లీక్స్ లేకుండా ఈ చిత్రాన్ని నాగ్ అశ్విన్ ఎంతో జాగ్రత్తగా తెరకెక్కిస్తున్నాడు. ఇక ఈ సినిమా గురించి ఇన్నిరోజులు మేకర్స్ మాట్లాడిందే లేదు. కానీ మొట్టమొదటిసారి కల్కి విశేషాలను పంచుకోవడానికి డైరెక్టర్ నాగ్ అశ్విన్ ముంబైకు రాబోతున్నాడు.

ఐఐటీ బాంబే TECH FEST 23 కు నాగ్ అశ్విన్ గెస్ట్ గా రాబోతున్నాడు. ఈ ఫస్ట్ రేపు అనగా డిసెంబర్ 29 న జరగబోతుంది. ఇక ఇప్పటికే బాంబే ఐఐటీలో కల్కి వైబ్ మొదలైయిపోయింది. రైడర్స్ లుక్ లో కొంతమంది హల్చల్ చేశారు. ఎక్కడ చూసినా కల్కి పోస్టర్లతో ఐఐటీ బాంబే కళకళలాడుతోంది. ఎప్పుడెప్పుడు నాగ్ అశ్విన్ ఈ ఈవెంట్ కు వస్తాడా..? కల్కి గురించి విషయాలు చెప్తాడా అని అభిమానులు ఎంతగానో ఎదురుచూస్తున్నారు. ఇప్పటివరకు సలార్.. సలార్ అంటూ అరిచినా ఫ్యాన్స్ రేపటినుంచి కల్కి కల్కి అని అరవబోతున్నారు. మరి నాగీ ఎలాంటి విషయాలను పంచుకోబోతున్నాడో చూడాలంటే రేపటివరకు ఆగాల్సిందే.