John Abraham: హిందీ రీమేక్ దిశగా ‘అయ్యప్పనుమ్ కోషియుమ్’..

మలయాళ సూపర్‌స్టార్ పృథ్వీరాజ్ సుకుమారన్ నటించిన ‘అయ్యప్పనుమ్ కోషియుమ్’ తెలుగులో ‘భీమ్లా నాయక్’ పేరుతో రీమేక్ కాగా… ఈ సినిమా హిందీలో కూడా రానుంది. ‘అయ్యప్పనుమ్ కోషియుమ్’ హిందీ రీమేక్ హక్కులు జాన్ అబ్రహం తీసుకున్న విషయం తెలిసిందే. ఈ సినిమా దర్శకత్వ బాధ్యతలను ఆయన అనురాగ్ కశ్యప్‌కి అప్పగించినట్టు సమాచారం. మరో పాత్రను ఎవరు చేయనున్నారనేది త్వరలోనే తెలియనుంది. అక్టోబర్ నుంచి ఈ సినిమా రెగ్యులర్ షూటింగుకు వెళ్లనుందని అంటున్నారు.

మలయాళంలో 2020లో వచ్చిన సూపర్ హిట్ సినిమాలలో ‘అయ్యప్పనుమ్ కోషియుమ్’ ఒకటి. పృథ్వీరాజ్ సుకుమారన్ – బిజూ మీనన్ ప్రధానమైన పాత్రలను పోషించిన ఈ సినిమా అక్కడ భారీ వసూళ్లను రాబట్టింది. ఆ సినిమాను తెలుగులో ‘భీమ్లా నాయక్’ పేరుతో రీమేక్ చేశారు. ఈ ఏడాది ఆరంభంలో వచ్చిన ఈ సినిమా హిట్ టాక్‌ను సొంతం చేసుకుంది. మలయాళ మూలం దెబ్బతినకుండా త్రివిక్రమ్ ఆ కథలో చాలా మార్పులు చేశాడు. సాగర్.కె.చంద్ర దర్శకత్వం వహించిన ఈ సినిమాలో పవన్ – రానా నటించగా, ఇక్కడ కూడా విశేషమైన ఆదరణ పొందింది. ఒక బలమైన మల్టీ స్టారర్ సినిమాగా చెప్పుకున్నారు. ఇప్పుడు ఈ సినిమాను బాలీవుడ్‌లో రీమేక్ చేస్తున్నారు.

ఇక భీమ్లా నాయక్ అయ్యప్పనుమ్ కోషియమ్ చిత్రానికి రీమేక్‌గా తెరకెక్కగా.. ఈ సినిమా హిందీ రీమేక్ హక్కులను జాన్ అబ్రహం కొనుగోలు చేశారు. ఇప్పుడు భీమ్లా నాయక్ హిందీలో విడుదలైతే, జాన్ సినిమాపై ప్రభావం చూపే అవకాశం ఉందని, భీమ్లా నాయక్ సినిమాను హిందీలో విడుదల చేయకుండా జాన్ ప్రయత్నించినట్లు సమాచారం. ఈ సినిమా హిందీ వెర్షన్‌లో జాన్ అబ్రహంతో పాటు అర్జున్ కపూర్ కూడా నటిస్తున్నట్లు తెలుస్తోంది.