Jeetendra: 4 లక్షల పెట్టుబడితో 450 కోట్ల జాక్పాట్ కొట్టిన నటుడు… అసలు విషయం తెలిస్తే ఆశ్చర్యపోతారు!
- Follow Us :
-
-
Add as a preferred
source on google
Jeetendra: రియల్ ఎస్టేట్లో సరైన సమయంలో తీసుకున్న ఒక్క నిర్ణయం జీవితాన్ని ఎలా మార్చేస్తుందో చెప్పే ఉదాహరణలు చాలా అరుదుగా కనిపిస్తాయి. అలాంటి అరుదైన కథనే తాజాగా బాలీవుడ్ లెజెండరీ నటుడు జితేంద్ర బయటపెట్టారు. ఒకప్పుడు కేవలం రూ.4.25 లక్షలకు కొనుగోలు చేసిన బంగ్లా విలువ ఇప్పుడు ఏకంగా రూ.450 కోట్లకు చేరిందని ఆయన వెల్లడించడంతో ఈ వార్త సినీ, వ్యాపార వర్గాల్లో హాట్ టాపిక్గా మారింది. నటుడిగా కోట్లాది అభిమానులను సంపాదించిన జితేంద్ర, పెట్టుబడిదారుడిగా కూడా ఎంత దూరదృష్టితో ఆలోచించారో ఈ ఉదంతం స్పష్టం చేస్తోంది. ‘ది రియాల్టీ డ్రైవ్’కు ఇచ్చిన ఇంటర్వ్యూలో జితేంద్ర తన జీవితంలోని ఆసక్తికరమైన సంఘటనను పంచుకున్నారు. బాలీవుడ్లో ఒకప్పుడు ‘బైజూ బావ్రా’ వంటి క్లాసిక్ చిత్రాలతో అగ్రనటుడిగా వెలుగొందిన భరత్ భూషణ్ తీవ్ర ఆర్థిక ఇబ్బందులు ఎదుర్కొంటున్న సమయంలో ముంబైలోని పాలి హిల్ ప్రాంతంలో ఉన్న తన బంగ్లాను విక్రయించాలని నిర్ణయించారు. ఆ సమయంలో జితేంద్ర తన తండ్రితో కలిసి ఆ ప్రాపర్టీని రూ.4.25 లక్షలకు కొనుగోలు చేశారు. అప్పట్లో అది పెద్ద మొత్తమే అయినప్పటికీ, భవిష్యత్తులో అది ఎంతటి విలువైన ఆస్తిగా మారుతుందో ఎవరూ ఊహించలేదు.
ఆ రోజుల్లో జితేంద్ర ఫ్యామిలీ పరిస్థితులు కూడా అంతంత మాత్రంగా ఉండేవి. ముంబైలోని ఓ వీధిలో కేవలం 20×10 అడుగుల చిన్న గదిలో ఎనిమిది మంది కుటుంబ సభ్యులతో కలిసి నివసించేవారు. అలాంటి పరిస్థితుల నుంచి 3,450 చదరపు అడుగుల విస్తీర్ణంలో ఉన్న విశాలమైన బంగ్లాలోకి మారడం ఆయన జీవితంలో కీలక మలుపుగా నిలిచింది. అయితే ఆ ఆనందం ఎక్కువ రోజులు నిలవలేదు. కొత్త ఇంటికి మారిన తర్వాత ఆయన నటించిన వరుసగా నాలుగు సినిమాలు బాక్సాఫీస్ వద్ద విఫలమయ్యాయి. దీంతో ఈ ఇంటి కారణంగానే దురదృష్టం వెంటాడుతోందేమోనని భావించిన జితేంద్ర, ఆ బంగ్లాను వదిలి మరోచోటికి మారిపోయారు. కాలం మారింది. జితేంద్ర కెరీర్ మళ్లీ ఊపందుకుంది. అదే సమయంలో పాలి హిల్ ముంబైలో అత్యంత ప్రీమియం రియల్ ఎస్టేట్ ప్రాంతంగా ఎదిగింది. కొంతకాలం తర్వాత ప్రముఖ రియల్ ఎస్టేట్ డెవలపర్లు ఆ బంగ్లా డెవెలప్మెంట్ కోసం జితేంద్రను సంప్రదించారు. అప్పుడే మరో ఆసక్తికర విషయం వెలుగులోకి వచ్చింది. బంగ్లాను కూల్చివేసే సమయంలో అందులో ఉపయోగించిన బర్మా టేకు కలపను విక్రయించగా దాదాపు రూ.11.5 లక్షలు వచ్చాయని జితేంద్ర వెల్లడించారు. అంటే మొత్తం ఇల్లు కొనుగోలు చేసిన ధర కంటే అందులోని కలప విలువే దాదాపు మూడు రెట్లు ఎక్కువగా రావడం అప్పట్లో అందరినీ ఆశ్చర్యానికి గురి చేసింది.
Also Read
- Shashank Srihari : రియల్ స్టార్ శ్రీహరి ఇంట పెళ్లి సందడి.. పెద్ద కుమారుడి నిశ్చితార్థం ఎప్పుడంటే.?
- Dhanashree Verma: చాహల్ మాజీ భార్య ధనశ్రీ హీరోయిన్గా టాలీవుడ్ ఎంట్రీ..
- Allu Arjun: దుల్కర్ ఒక స్టార్ కిడ్ అయినా ఆ పొగరు ఏమాత్రం ఉండదు
- Dulquer Salmaan: మేమిద్దరం 'నెపో కిడ్స్'.. కానీ బ్యాక్గ్రౌండ్ లేని కొత్తమ్మాయిని లాంచ్ చేయడం మా అదృష్టం!
ప్రస్తుతం అదే పాలి హిల్ ప్రాంతంలోని ఈ ఆస్తి విలువ దాదాపు రూ.450 కోట్ల వరకు చేరినట్లు ఆయన తెలిపారు. ముంబైలో అత్యంత ఖరీదైన నివాస ప్రాంతాల్లో ఒకటిగా పాలి హిల్ గుర్తింపు పొందడంతో అక్కడి భూముల ధరలు విపరీతంగా పెరిగాయి. దీంతో జితేంద్ర తీసుకున్న ఆ నిర్ణయం ఆయన జీవితంలో అత్యంత లాభదాయకమైన పెట్టుబడిగా నిలిచింది. 1964లో ‘గీత్ గయా పత్థరో నే’ సినిమాతో సినీ ప్రయాణం ప్రారంభించిన జితేంద్ర, 1967లో విడుదలైన ‘ఫర్జ్’తో స్టార్ హీరోగా ఎదిగారు. తన ప్రత్యేకమైన డ్యాన్స్ స్టైల్ కారణంగా ‘జంపింగ్ జాక్’గా పేరు తెచ్చుకున్న ఆయన ఆరు దశాబ్దాల సినీ ప్రయాణంలో 200కు పైగా చిత్రాల్లో నటించారు. సినిమాలతో పాటు పెట్టుబడుల విషయంలో కూడా దూరదృష్టి ప్రదర్శించి విజయవంతమైన వ్యక్తిగా నిలిచారు. కుమార్తె ఏక్తా కపూర్ స్థాపించిన బాలాజీ టెలిఫిలింస్ విజయంలో కూడా ఆయన కీలకంగా వ్యవహరించారు. ఇప్పుడు రూ.4.25 లక్షల పెట్టుబడి రూ.450 కోట్ల విలువైన ఆస్తిగా మారిన ఈ కథ, సరైన సమయంలో తీసుకున్న నిర్ణయం ఎంత పెద్ద ఫలితాన్ని ఇస్తుందో చెప్పే అరుదైన ఉదాహరణగా నిలుస్తోంది.
తాజావార్తలు
-
Koti Deepotsavam 2026 Day 2: అంగరంగ వైభవంగా తిరుచెందూరు శ్రీసుబ్రహ్మణ్యస్వామి కల్యాణం.. రెండో రోజు విశేషాలివే..!
-
Shashank Srihari : రియల్ స్టార్ శ్రీహరి ఇంట పెళ్లి సందడి.. పెద్ద కుమారుడి నిశ్చితార్థం ఎప్పుడంటే.?
-
OTR: కేటీఆర్ సభ రద్దు వెనుక అసలు కారణమేంటి..? BRSలో హాట్ టాపిక్..
-
Aus Vs Eng: సెంచరీతో టామ్ బాంటన్ వీరవిహారం.. ఆస్ట్రేలియా గడ్డపై ఇంగ్లాండ్ అద్భుత విజయం..
-
Dhanashree Verma: చాహల్ మాజీ భార్య ధనశ్రీ హీరోయిన్గా టాలీవుడ్ ఎంట్రీ..
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!