JR NTR : త్రిబుల్ ఆర్ చూసి తెలుగు నేర్చుకున్న ఎన్టీఆర్ జపాన్ అభిమాని..

JT NTR : జూనియర్ ఎన్టీఆర్ కు ఇండియాలోనే కాకుండా బయటి దేశాల్లో కూడా అభిమానులు భారీగా పెరుగుతున్నారు. అందులోనూ జపాన్ లో ఆయనకు వీరాభిమానులు అవుతున్నారు చాలా మంది. త్రిబుల్ ఆర్ తర్వాత నుంచే ఎన్టీఆర్ కు ఇక్కడ క్రేజ్ పెరిగింది. ఎంతలా అంటే.. ఓ జపాన్ అభిమాని త్రిబుల్ ఆర్ చూసి ఏకంగా తెలుగు నేర్చుకుంది. ఇందుకు సంబంధించిన వీడియో ఇప్పుడు వైరల్ అవుతోంది. జూనియర్ ఎన్టీఆర్ తాజాగా తన దేవర సినిమాను జపాన్ లో విడుదల చేశారు. ఈ మూవీ ప్రమోషన్స్ కోసం ఎన్టీఆర్ జపాన్ వెళ్లారు. అక్కడ తన ఫ్యాన్స్ తో సందడి చేస్తున్నారు. జపాన్ మీడియాకు వరుసగా ఇంటర్వ్యూలు ఇస్తున్నారు.

Read Also : KTR : మీరు గ్రేట్ భట్టి అన్న.. ఆర్థిక శాఖ మంత్రి కదా.. అలాగే ఉండాలి

అలాగే తన జపాన్ ఫ్యాన్స్ కు తాజాగా ఆటోగ్రాఫ్‌ ఇస్తుండగా ఓ అభిమాని.. ‘అన్నా అన్నా.. నేను త్రిబుల్ ఆర్ చూశాక తెలుగు నేర్చుకున్నాను. నా పేరు మధు మసాలా. నేను త్రిబుల్ ఆర్ లో నిన్ను చూసి ఫ్యాన్ అయిపోయాను. అమేజాన్ లో తెలుగు లర్నింగ్ బుక్ తెచ్చుకుని కష్టపడి తెలుగు నేర్చుకున్నాను’ అంటూ ఎన్టీఆర్ కు చెప్పింది. దానికి ఎన్టీఆర్ షాక్ అయిపోయారు. వావ్ నువ్వు మా అందరికీ ఇన్ స్పిరేషన్ అంటూ ఆమెకు ఆటోగ్రాఫ్‌ ఇచ్చారు. ఇందుకు సంబంధించిన వీడియోను ఎన్టీఆర్ తన ట్విట్టర్ లో పోస్టు చేశారు. ఒక అభిమాని తెలుగును నేర్చుకునేలా సినిమా ప్రభావం చూపించినందుకు తనకు చాలా సంతోషంగా ఉందన్నారు. జపాన్ వెళ్లిన ప్రతిసారి తనకు ఏదో ఒక అందమైన జ్ఞాపకాలను ఇస్తోందన్నారు.

My visits to Japan always give me beautiful memories but this one hit differently. Hearing a Japanese fan tell me she learned Telugu after watching RRR truly moved me.

Being a lover of cinema and languages, the power of cinema to be a bridge across cultures and encouraging a… pic.twitter.com/4bQ1v8ZZP8

— Jr NTR (@tarak9999) March 27, 2025