తనను రేప్ చేశాడంటూ అసిస్టెంట్ కొరియోగ్రాఫర్ ఒకరు పెట్టిన కేసులో జానీ మాస్టర్ అరెస్టయిన సంగతి తెలిసిందే. గతంలో జానీ మాస్టర్ వద్ద అసిస్టెంట్ కొరియోగ్రాఫర్ గా పని చేసి ఇప్పుడు కొరియోగ్రాఫర్ గా మారిన ఒక యువతి జానీ మాస్టర్ తనను మైనర్ గా ఉన్నప్పుడే రేప్ చేశాడు అంటూ పోలీస్ కేసు పెట్టింది. పోలీసులు జానీ మాస్టర్ మీద ఫోక్సో సహా రేప్ కేసు కింద పలు సెక్షన్లను యాడ్ చేసి కేసు నమోదు చేశారు. ఇక ఈ నేపథ్యంలో జానీ మాస్టర్ను గోవాలో అదుపులోకి తీసుకున్నారు. పోలీసులు సుమారు 35 రోజుల తర్వాత ఈరోజు ఆయనకు బెయిల్ లభించింది. అయితే పుష్ప 2 సినిమాలో ఒక సాంగ్ ని జానీ మాస్టర్ కొరియోగ్రాఫ్ చేయాల్సి ఉంది.
Also Read: Pushpa 3 : పుష్ప 3 కూడా.. నిర్మాత సంచలనం
అయితే ఆయన జైలుకు వెళ్లిన నేపథ్యంలో ఆయన జైలు నుంచి వస్తే ఆయన సాంగ్ కొరియోగ్రాఫ్ చేస్తారని లేదంటే వేరే కొరియోగ్రాఫర్ చేత సాంగ్ చేయించాలని భావించారు. అయితే ఈరోజు జానీ మాస్టర్ జైలు నుంచి బెయిల్ మీద రిలీజ్ అయ్యారు. కానీ దురదృష్టవశాత్తు ఆయన పుష్ప 2 సినిమాలో సాంగ్ చేయడం లేదని నిర్మాతలు వెల్లడించారు. ఈ రోజు రిలీజ్ డేట్ అనౌన్స్మెంట్ ప్రెస్ మీట్ ఒకటి హైదరాబాదులో నిర్వహించారు. ఈ నేపధ్యంలో జానీ మాస్టర్ సాంగ్ చేస్తున్నారా? లేదా? అనే ప్రశ్నకు సమాధానంగా నిర్మాతలు సమాధానం ఇచ్చారు. ఇప్పటికే ఆ సాంగ్ కోసం వేరే కొరియోగ్రాఫర్ ని సెట్ చేశామని కాబట్టి ఇప్పుడు జానీ మాస్టర్ ఈ సినిమాలో సాంగ్ చేయడం లేదని క్లారిటీ ఇచ్చారు.