Rudrangi in OTT: 200 సినిమాల్లో రుద్రాంగి టాప్ 10.. ప్రైమ్ లో మిస్ అవ్వద్దంటున్న జగపతిబాబు

Jagapathi Babu Rudrangi Released in Amazon prime Video: ఒకప్పటి అమ్మాయిల కలల రాకుమారుడు, ఇప్పుడు విలక్షణ పాత్రలు చేస్తూ వస్తున్న జగపతి బాబు ప్రధాన పాత్రలో అజయ్ సామ్రాట్ తెరకెక్కించిన సినిమా రుద్రంగి. జులై 7న థియేటర్లలో విడుదలైన ఈ సినిమా మంచి టాక్ అయితే తెచ్చుకుంది. అయితే కలెక్షన్స్ విషయం ఎలా ఉన్నా విమర్శకుల ప్రశంసలు అందుకున్న ఈ సినిమా ఎలాంటి చప్పుడు లేకుండా.. ప్రచారం లేకుండా అమెజాన్ ప్రైమ్ వీడియో OTTలో విడుదలైంది. స్వాతంత్య్రం అనంతరం తెలంగాణలో జరిగిన సాంఘిక పరిస్థితుల నేపథ్యంలో వాస్తవ సంఘటన ఆధారంగా అజయ్ సామ్రాట్ సినిమా తెరకెక్కించగా బీఆర్ఎస్ ఎమ్మెల్యే రసమయి బాలకిషన్ నిర్మించారు.

Keerthy Suresh: చిరంజీవి రియాక్షన్ సర్ప్రైజ్ చేసింది..మామూలు విషయం కాదు: కీర్తి సురేష్

ఇక ఈ సినిమాలో భీమ్ రావు దేశ్ ముఖ్ పాత్రలో నటించిన జగపతిబాబు సినిమా ఆమెజన్ ప్రైం వీడియోలో రిలీజ్ అయిన సందర్భంగా ఈ సినిమా గురించి ప్రత్యేకంగా మాట్లాడారు. అమెజాన్ ప్రైమ్ వీడియో లో విడుదలైన ఈ సినిమా ఎలాంటి ప్రచారం లేకుండా ఇండియాలో నెంబర్ 8లో ట్రెండ్ అవుతుంది, ఈ సినిమా అందరూ చూసి ఆనందించాలని ఆయన కోరారు. తన కెరీర్ లో ఇప్పటివరకు 200 సినిమాల్లో నటించానని అయితే వాటిలో పర్ఫార్మెన్స్ పరంగా టాప్ 10 లో రుద్రంగి సినిమా ఉంటుందని తెలిపారు. ఇందులో అద్భుతమైన కథ ఉంటుందని డైరెక్షన్ పరంగా కూడా రుద్రంగి మరో స్థాయిలో ఉంటుందని జగపతిబాబు చెప్పారు. తనతో పాటు విమల రామన్ మమత మోహన్ దాస్ క్యారెక్టర్లు అద్భుతంగా ఉంటాయని, అందరూ రుద్రంగి సినిమా చూసి ఎంజాయ్ చేయాలని కోరారు జగపతిబాబు. కేవలం వినోదం మాత్రమే కాదు ఈ సినిమాలో తెలుసుకోవాల్సిన విషయాలు ఎన్నో ఉన్నాయి అని జగపతిబాబు తెలిపారు.