19 ఏళ్ల క్రితం ‘ఖల్లాస్‌ గర్ల్‌’గా పేరు తెచ్చుకున్న ఇషా కొప్పికర్ ‘కంపెనీ’ సినిమా తరువాత ఇండస్ట్రీలో సంచలనం సృష్టించింది. ఇషా తెలుగులోనూ పలు చిత్రాల్లో నటించింది. ముఖ్యంగా నాగార్జున సరసన ఆమె నటించిన ‘చంద్రలేఖ’ మూవీలో ఆమె కన్పించడం అందరికీ గుర్తుండే ఉంటుంది. పలు సినిమాల్లో నటించి తనకంటూ ఓ మార్క్ క్రియేట్ చేసుకున్న ఇషా సినిమా ఇండస్ట్రీలో ఆశించిన స్థాయిలో పేరు తెచ్చుకోలేకపోయింది. కొన్నాళ్ళకు ఆమె ఇండస్ట్రీలోనే కన్పించకుండా పోయింది. ఇప్పుడు మరోమారు సినిమాల్లోకి రీఎంట్రీ ఇస్తున్న ఈ బ్యూటీ అప్పట్లో తనకు అవకాశాలు తగ్గడం గురించి చేసిన కామెంట్స్ ఇప్పుడు వైరల్ అవుతున్నాయి.
Read Also : Vikrant Rona : రేర్ ఫీట్ సాధించిన ఫస్ట్ కన్నడ హీరో సుదీప్… రియల్ గేమ్ స్టార్ట్స్ నౌ…
ఓ తాజాగా ఇంటర్వ్యూలో ఇషా కొప్పికర్ మాట్లాడుతూ- ‘2000 సంవత్సరం మధ్యలో ఓ పెద్ద ప్రాజెక్ట్ చేయాల్సి ఉంది. అప్పుడు ఒక ప్రముఖ నిర్మాత నాకు ఫోన్ చేశారు. నువ్వు హీరోల గుడ్ బుక్‌లో ఉండాలి అని చెప్పాడు. దాని అర్థం ఏంటో నాకు తెలియలేదు. నేను హీరోకి ఫోన్ చేసాను. అతను నన్ను ఒంటరిగా కలవమని అడిగాడు. నేను నిర్మాతకు ఫోన్ చేసి నా టాలెంట్‌, లుక్స్‌ వల్లే నేను ఇక్కడ ఉన్నాననీ, ఇలాంటి వాటి వల్ల కాదని చెప్పుకొచ్చాను. తరువాత చూస్తే ఆ సినిమా నుంచి నన్ను తప్పించారు” అంటూ బాంబ్ పేల్చింది. ఆ సమయంలో అతను అవిశ్వాసంపై ఆరోపణలు ఎదుర్కొన్నాడు అంటూ హింట్ కూడా ఇచ్చింది. అంతేకాదు అప్పట్లో ఆ హిందీ ప్రాజెక్ట్ లో తన పాత్రలో ఓ స్టార్ డాటర్ నటించిందని చెప్పుకొచ్చింది. తన కెరీర్‌లో ఎప్పుడూ రాజీ పడలేదని, అందుకే చిన్న పాత్రలు లేదా సపోర్టింగ్ రోల్స్‌తో సరిపెట్టుకోవాల్సి వచ్చిందని ఇషా పేర్కొంది.