Agent: అయ్యా.. అయ్యగారు ఫిబ్రవరిలో కూడా రారట..?

Agent: అక్కినేని యంగ్ హీరో అఖిల్.. అప్పుడెప్పుడో మోస్ట్ ఎలిజిబుల్ బ్యాచిలర్ చిత్రంతో వచ్చి మొట్టమొదటి హిట్ అందుకున్నాడు. ఇక ఈ సినిమా వచ్చి దాదాపు రెండేళ్లు దాటింది. ఇప్పటివరకు అయ్యగారి తరువాత సినిమా రిలీజ్ మాత్రం కాలేదు. ఈ సినిమా తర్వాత అఖిల్ నటిస్తున్న చిత్రం ఏజెంట్. సురేందర్ రెడ్డి దర్శకత్వం వహిస్తున్న ఈ చిత్రంలో అఖిల్ సరసన సాక్షి వైద్య నటిస్తోంది. స్పై యాక్షన్ థ్రిల్లర్ గా తెరకెక్కుతున్న ఈ చిత్రాన్ని ఏకె ఎంటర్ టైన్ మెంట్స్ బ్యానర్ పై అనిల్ సుంకర అత్యంత భారీ స్థాయిలో నిర్మిస్తున్నారు. ఇక ఈ సినిమా వాయిదాల మీద వాయిదాలు పడుతూ వస్తూనే ఉంది.

మొదట గతేడాది డిసెంబర్ లో రిలీజ్ కానుందని చెప్పుకొచ్చారు.. కానీ ఇంకా షూటింగ్ ఫినిష్ కాలేదని ఈ ఏడాది ఆగస్టు అన్నారు.. ఇక ఇదంతా పోయి వచ్చే ఏడాది ఫిబ్రవరి అని చెప్పుకొచ్చారు. తాజాగా అందుతున్న సమాచారం ప్రకారం ఫిబ్రవరిలో కూడా అయ్యగారు రావడం కష్టమేనట. ఫిబ్రవరిలో మరో రెండు పెద్ద సినిమాలు సార్, ధమ్కీ రిలీజ్ కు సిద్ధమవుతున్నాయి. వీటితో పోటీ ఎందుకని మేకర్స్ రిలీజ్ డేట్ ను మరోసారి మార్చినట్లు వార్తలు వినిపిస్తున్నాయి మరి ఇందులో నిజం ఎంత అనేది తెలియాల్సి ఉంది.