అడవి శేష్ హీరోగా నటిస్తున్న లేటెస్ట్ మూవీ ‘హిట్ 2’. ‘హిట్’ సీరీస్ లో భాగంగా తెరకెక్కిన ఈ మూవీ డిసెంబర్ 2న ప్రేక్షకుల ముందుకి రానుంది. టీజర్, ట్రైలర్ తో సినిమాపై అంచనాలు పెంచిన చిత్ర యూనిట్ ‘హిట్ 2′ ప్రీరిలీజ్ ఈవెంట్ ని ఘనంగా చేశారు. ఈ ఈవెంట్ కి దర్శక ధీరుడు రాజమౌళి ముఖ్య అతిథిగా వచ్చి, చిత్ర యూనిట్ ని అభినందించాడు.’హిట్ 2’ ప్రీరిలీజ్ ఈవెంట్ కి మెయిన్ హైలైట్ గా నిలిచింది హీరో నాని స్పీచ్. ‘హిట్’ సిరీస్ కి ప్రెసెంటర్ గా వ్యవహరిస్తున్న నాని, ప్రీరిలీజ్ ఈవెంట్ లో మాట్లాడుతూ… “హిట్ 3 హీరో ఎవరో చెప్పమని శేష్ అడుగుతున్నాడు కానీ ‘హిట్ 2’ డిసెంబర్ 2నే విడుదలవుతుంది కాబట్టి నేను ‘హిట్ 3’లో నటించే హీరో పేరు రివీల్ చేయాలనుకోవట్లేదు. ‘హిట్ 2’ ఎండ్ లో మీకు ‘హిట్ 3’ ఎవరో తెలిసిపోతుంది” అంటూ సర్ప్రైజ్ ఇచ్చాడు.
‘హిట్’ని యూనివర్స్ చేయాలనుకుంటున్నారు కాబట్టి ‘హిట్ 3’ ఉంటుందనడంలో ఎలాంటి ఆశ్చర్యం కలిగించే విషయం లేదు కానీ ‘హిట్ 2’లోనే పార్ట్ 3 హీరో ఎవరో రివీల్ చేయనుండడం అనేది ఆడియన్స్ ని థ్రిల్ చేసే విషయమే. పార్ట్ 3లో హీరోగా నాని కనిపిస్తాడని కొందరు కాదు కాదు విజయ్ సేతుపతి హీరోగా నటిస్తాడని మరికొందరు అంటున్నారు కానీ ఈ ఇద్దరిలో ఎవరు నటిస్తారు అనేది పక్కాగా తెలియాలి అంటే మాత్రం డిసెంబర్ 2 వరకూ ఆగాల్సిందే. మన ఆడియన్స్ కి సస్పెన్స్ ని ఎక్కువ సేపు దాచే అలవాటు లేదు కాబట్టి మార్నింగ్ షో అయిపోయేలోపే ‘హిట్ 3’లో నటించే హీరో ఎవరో రివీల్ అయిపోయే ఛాన్స్ ఉంది.