Hero Vishal Made Sensational Comments on National Awards: తెలుగు హీరో అల్లు అర్జున్ కి పుష్ప సినిమాకి గాను నేషనల్ బెస్ట్ యాక్టర్ ఫర్ ది ఇయర్ 2021కి అవార్డు ప్రకటించారు. అయితే ఈ అవార్డు విషయంలో తమిళ సినీ అభిమానులు అంతగా హ్యాపీగా లేరు, తమ ఆవేదనను సోషల్ మీడియా వేదికగా వ్యక్తం చేయగా తెలుగు అభిమానులు సైతం గట్టిగానే కౌంటర్లు ఇచ్చారు. ఇక ఇప్పుడు ఏకంగా తెలుగు మూలాలు ఉన్న తమిళ హీరో విశాల్ అవార్డులపై అనుచిత వ్యాఖ్యలు కలకలం రేపుతున్నాయి. విశాల్ హీరోగా ఆదిక్‌ రవిచంద్రన్‌ దర్శకత్వంలో రూపొందిన ‘మార్క్ ఆంటోని’ అనే సినిమా వినాయకచవితి సందర్భంగా ఈ నెల 15న సినిమా విడుదల కానుంది. ఈ క్రమంలో సినిమా ప్రమోషన్స్ లో పాల్గొన్న విశాల్ ప్రస్తుతం ఇస్తున్న అవార్డుల తీరుపై ఎలాంటి నమ్మకం లేదని అన్నారు. ఇటీవల ప్రకటించిన నేషనల్ అవార్డులకు సంబంధించి ఓ విలేకరి అడిగిన ప్రశ్నకు విశాల్ సమాధానమిస్తూ అవారులపై తనకు అస్సలు నమ్మకం లేదని అన్నారు.
PM Modi: దేశంలో అవినీతి, కులతత్వ, మతతత్వాని చోటు లేదు.. ప్రధాని కీలక వ్యాఖ్యలు..
సినిమా చూసి, అందులో ఆర్టిస్ట్‌ నటనకు ప్రజలందరూ కలసి ఇచ్చేదే గొప్ప అవార్డు అని అన్నారు. నిజాయతీగా వచ్చే అవార్డ్‌ అంటే ప్రేక్షకులు ఇచ్చే తీర్పే అని, ప్రేక్షకుల ఆశీస్సులతో ఇన్నేళ్లుగా సినీరంగంలో నిలదొక్కుకుని సినిమాల్లో నటిస్తున్నా అదే నాకు పెద్ద అవార్డుగా భావిస్తానని ఆయన చెప్పుకొచ్చారు. ఒకవేళ నేను నటించిన సినిమాలకి అవార్డు వచ్చినా వాటిని చెత్తబుట్టలో పడేస్తానని విశాల్ కామెంట్ చేశారు. ఇక మార్క్ ఆంటోనీ సినిమా విషయానికి వస్తే ఈ సినిమాలో విశాల్, ఎస్జే సూర్యతో పాటు సెల్వ రాఘవన్, సునీల్, అభినయ, రీతూ వర్మ కీలక పాత్రల్లో నటించారు. జివి ప్రకాష్ కుమార్ ఈ సినిమాకి పాటలు స్వరపరిచారు. మార్క్ ఆంటోనీ 80వ దశకానికి ఇప్పటి కాలానికి చెందిన ఒక సైన్స్ ఫిక్షన్ చిత్రం, ఇందులో పాత్రలు ఫోన్‌ల ద్వారా టైం ట్రావెల్ చేస్తూ ఉంటాయని టీజర్ తో క్లారిటీ వచ్చింది.
