Vishal: నేను ఇష్టపడిన వారంతా దూరం అవుతున్నారు… హీరో ఎమోషనల్

Hero Vishal Emotional about Bhavatarini Death: తమిళ సినీ పరిశ్రమలో తీవ్ర విషాదం నెలకొన్న సంగతి ప్రత్యేకంగా చెప్పాల్సిన అవసరం లేదు. తమిళ స్టార్ మ్యూజిక్ డైరెక్టర్ ఇళయరాజా కుమార్తె 47 ఏళ్ల భావతరిణి క్యాన్సర్ తో పోరాడుతూ శ్రీలంకలో కన్నుమూయడం హాట్ టాపిక్ అవుతోంది. ఆమె మరణంతో ఇళయరాజా తీవ్ర విషాదంలో వెళ్లిపోయారు. ఈ నేపథ్యంలో తమిళ సినీ పరిశ్రమ అంతా ఆ కుటుంబానికి తమ సంతాపాన్ని వ్యక్తం చేస్తూ అండగా ఉంటామని సోషల్ మీడియా వేదికగా, మీడియా వేదికగా చెబుతున్నారు. అయితే ఇది ఇలా ఉండగా ఇళయరాజా కూతురు భావతరిణి మృతి పై హీరో విశాల్ ఎమోషనల్ అయ్యారు. ఈ మేరకు ఆయన తాను ఎమోషనల్ అవుతూ కొన్ని వ్యాఖ్యలు కూడా చేశారు.

Ayalaan: శివ కార్తీకేయన్ అయలాన్ తెలుగు రిలీజ్ వాయిదా.. అసలు ఏమైందంటే?

తాజాగా విశాల్ తన ట్విట్టర్ అకౌంట్ ద్వారా ఈ విషయాన్ని జీర్ణించుకోలేకపోతున్నామని చెప్పుకొచ్చారు. నువ్వు ఇంత త్వరగా మమ్మల్ని విడిచి వెళతావు అనుకోలేదని ఆయన సోషల్ మీడియాలో రాసుకొచ్చారు. నా సొంత సోదరిగా భావించే నిన్ను ఇప్పుడు నేను చాలా మిస్ అవుతున్నాను అని విశాల్ పేర్కొన్నారు. అంతేకాదు కొన్ని వారాలుగా నేను ఇష్టపడే వ్యక్తులను ఎందుకు కోల్పోతున్నానో తనకు తెలియడం లేదని ఆయన ఆవేదన వ్యక్తం చేశారు. ఈ పరిణామాలు జీవితాన్ని తప్పుగా అర్థం చేసుకునేలా చేస్తున్నాయని ఆయన తన ట్విట్టర్ అకౌంట్ ద్వారా వెల్లడించారు. గత కొన్నాళ్లుగా భావతరిణి క్యాన్సర్ తో పోరాడుతుంది. శ్రీలంకలో ఆమె చికిత్స పొందుతుంది. ఆమె ఆరోగ్య పరిస్థితి విషమించింది అని తెలిసిన వెంటనే సుమారు రెండు రోజుల క్రితం ఇళయరాజా అన్ని పనులు ఆపేసి శ్రీలంక బయలుదేరి వెళ్లారు. తన కుమార్తెతో చివరి క్షణాల్లో కూడా ఆయన పక్కనే ఉన్నట్లుగా తెలుస్తోంది.